وېنس: د ایران د هوکړې په اړه د اسراییل «وارخطایي» د بې باورۍ نښه ده

وېنس د پنجشنبې په ورځ له نیویارک ټایمز سره په مرکه کې وویل، چې په اسراییلي سیاسي نظام کې داسې انګېرنه ده چې د ایران په ګټه عمل به وشي، خو ایران به په بدل کې خپل چلند کې تغییر رانه ولي.

هغه زیاته کړه: «هوکړه داسې نه ده لیکل شوې».

د لومړي وزیر بنیامین نتنیاهو د ځینو متحدانو په ګډون اسرایيلي چارواکو پر دې هوکړه نیوکه کړې او ویلي یې دي چې د ایران د اټومي او بالستیک توغندیو پروګرامونو په اړه د دوی اندېښنې نه دي حل شوې او دا به په لبنان کې د ایران ملاتړې حزب‌الله پر ضد د اسراییل پوځي عملیات محدود کړي.

وېنس ټینګار وکړ چې امریکا به تر هغو پر ایران لګېدلي بندیزونه لرې نه کړي، څو تهران د هغو ډلو ملاتړ ته دوام ورکوي چې واشنګټن یې ترهګر سازمانونه ګڼي.

هغه وویل: «په اسراییل کې دا ټولې وارخطایي ماته یو څه عجیبه ښکاري، ځکه زما په اند دا د بې‌باورۍ له ځایه سرچینه اخلي، حال دا چې امریکا د سیمې باور ترلاسه کړی دی».

وېنس همداراز وویل چې امریکا له اسراییل او د هغه له حکومت سره ښه چلند کړی او دا ادعا چې واشنګټن «یوه بده هوکړه» کړې، له حقایقو سره سمون نه لري.