پزشکیان له امریکا سره تر هوکړې وروسته ایران د یوه پیاوړي قدرت په توګه یاد کړی
د ایران ولسمشر مسعود پزشکیان له واشنګټن سره د هوکړه لیک تر لاسلیکېدا وروسته ایران د یوه پیاوړي قدرت په توګه یاد کړی او ویلي یې دي چې نړۍواله سوله یوازې د دوه اړخیز درناوي په سیوري کې رامنځته کېدای شي.
پزشکیان په خپله اېکس پاڼه لیکلي، چې ایران تل د خپل عزت، خپلواکۍ او پرمختګ د خوندیتوب ترڅنګ نړۍوالۍ سولې او سیمهییزې همکارۍ ته ژمن او وفادار پاتې شوی دی.
نوموړي زیاته کړې، د ایران اوسنی دریځ د یوه تاریخي سند او پیغام په توګه دا ثابتوي چې دوی د متقابل درناوي پر بنسټ له نړۍ سره تعامل غواړي.
نوموړي د فشارونو په وړاندې د خپلو خلکو د درېدو ستاینه کړې او زیاته کړې یې ده چې د ایران خلکو په خپلو کړنو سره وښوده چې د بهرنيو ګواښونو پر وړاندې نه تسلیمېدونکي دي.
