ډونالډ ټرمپ: ښايي په ټاکنو کې له نتنیاهو ملاتړ وکړم
د امریکا ولسمشر ډونالډ ټرمپ ویلي، ښايي د اسراییل په راتلونکو ټاکنو کې د دغه هېواد د لومړي وزیر بنیامین نتنیاهو ملاتړ وکړي، خو ټینګار یې کړی چې لومړی باید وګوري چې نور نوماند څوک دي.
د اسراییل د کانال ۱۱ د راپور له مخې، ټرمپ ویلي: «په ډېر احتمال سره به له بنیامین نتنیاهو ملاتړ وکړم، خو باید وګورم چې نور کوم کسان نوماندان کېږي».
هغه له نتنیاهو سره خپلو اړیکو ته په اشارې ویلي: «له بي بي سره ښه اړیکه لرم، خو هغه باید لا ډېر منطقي واوسي».
هغه زیاته کړې: «له هغه سره لیدو ته چمتو یم».
