اکسیوس: لبنان کې له اوربند نه د سرغړونې په اړه د تهران ادعا د ایران او امریکا خبرې وځنډولې
اکسیوس وېبپاڼې د یوه امریکایي چارواکي په حواله راپور ورکړی، په لبنان کې له اوربند نه د اسراییل د سرغړونې په اړه د ایران ادعا ښایي د دې لامل شوې وي چې د جمعې په ورځ په سویس کې د تهران او واشنګټن ترمنځ ټاکل شوې خبرې اترې وځنډېږي.
د دغه د امریکايي چارواکي په وینا؛ ټاکل شوې وه چې دواړه خواوې د جمعې په ورځ د واشنګټن او تهران ترمنځ د وروستي تفاهم لیک د پلي کولو په اړه خبرې اترې وکړي.
وړاندې د امریکا مرستیال ولسمشر جيډي وېنس دفتر په یوې اعلامیه کې ویلي و، چې هغه له ایران سره په مذاکراتو کې د ګډون لپاره سویس ته خپل سفر لغوه کړی؛ ځکه چې د راتلونکو تخنیکي خبرو اترو پلانونه لا نهدي بشپړ شوي او د دغه خبرو اترو لپاره چمتووالی او همغږي ساده یا د وړاندوینې وړ نهده.
