د لبنان په سوېل کې څلور اسراییلي سرتېري وژل شوي
د اسراییل پوځ وایي، د جمعې په سهار په سویلي لبنان کې څلور اسراییلي سرتېري وژل شوي دي. د اسراییل پوځ دغه پېښه د روانې درې میاشتنۍ جګړې له پیل راهیسې د خپلو ځواکونو لپاره ترټولو خونړۍ پېښه بللې ده.
د اسراییل پوځ ویلي، چې دغه سرتېرو یې د لبنان په سویل کفر تبنیت ته نږدې په یوه ټانک کې حضور لاره. د یاد پوځ په وینا؛ د حزبالله لهخوا ځای پرځای شوی بم په ټانک ولګېده، چې له امله یې د یوه قوماندان په ګډون څلور سرتېري ووژل شول.
د اسراییل پوځ ویلي، چې دوی د یادې پېښې د څرنګوالي په اړه پلټنه کوي. پوځي چارواکو ویلي، ښایي چې یو ډرون د پرانیستې کړکۍ له لارې ټانک ته ننوتی وي او د دې احتمال هم شته، چې د ټانک ضد توغندي یا بل ډول ډرون کار اخیستل شوی وي.
