وېنس له ایران سره په مذاکراتو کې د ګډون لپاره سویس ته خپل سفر لغوه کړ
د امریکا مرستیال ولسمشر جيډي وېنس دفتر په یوې اعلامیه کې ویلي، چې هغه له ایران سره په مذاکراتو کې د ګډون لپاره سویس ته خپل سفر لغوه کړی؛ ځکه چې د راتلونکو تخنیکي خبرو اترو پلانونه لا نهدي بشپړ شوي او د دغه خبرو اترو لپاره چمتووالی او همغږي ساده یا د وړاندوینې وړ نهده.
په اعلامیه کې راغلي: «د راتلونکو تخنیکي خبرو اترو پلانونه لا وروستي شوي نهدي او که څه هم امریکایي پلاوی چمتو و، چې ژر تر ژره سویس ته ولاړ شي؛ خو د دغه خبرو اترو چمتووالی او همغږي هیڅکله ساده یا د وړاندوینې وړ نهوه. د اوس لپاره مرستیال ولسمشر نن شپه سویس ته سفر نهلري».
تېره ورځ سویس ته د پاکستان د لومړي وزیر شهباز شریف پلان شوی سفر هم لغوه شو. د شریف سفر په داسې حال کې لغوه شو، چې د پاکستان لوړپوړي ډیپلوماټان، د دولتي ټلویزیون ټیمونه او یوشمېر خبریالان لا له وړاندې جنیوا ته رسېدلي وو.
