د غور اوسېدونکی: ښاروالۍ غواړي چې خلک د خپلو ځمکو لپاره بیاځلې پیسې ورکړي
د غور یوه اوسېدونکي افغانستان انټرنشنل ته په رالېږلي پیغام کې ویلي، د یاد ولایت ښاروالۍ په ۱۳۸۱کال کې د ښار دننه د څلورم پلان سیمه پر خلکو ووېشله چې له هغه وخت راهیسې ۲۰ کاله تېر شوي؛ خو اوس طالبان غواړي چې خلک د خپلو ځمکو لپاره بیاځلې پیسې ورکړي.
هغه وایي، اوس د طالبانو ښاروالۍ غواړي چې د خلکو ملکیت د یادې ډلې د اوبو لګولو ریاست ته ورکړي او خلک اړ باسي چې خپلې ځمکې بیا له سره له یادې ښاروالۍ وپېري. د هغه په وینا؛ د یادې ځمکې د هر متر مربع لپاره ۳۰۰ افغانۍ ټاکل شوې، چې دا یو لوی ظلم دی.
هغه وایي: «ډېری خلک تر دې حده بېوزله دي، چې حتی د ۵زرو افغانیو د ورکړې توان نهلري؛ خو اوس دوی اړ دي، چې د هر متر مربع ځمکې لپاره یو لک او ۸۰زره افغانۍ ورکړي».
هغه وایي، ځایي اوسېدونکي د یادې ستونزې د حل په موخه په وار، وار په غور کې د طالبانو ښارول ته ورغلي؛ خو د هغه لهخوا د سپکاوي ډک چلند سره مخ شوي.
