المرصاد: په خیبر پښتونخوا کې په یوه هوایي برید کې د داعش یو مرکز له‌منځه وړل شوی

المرصاد په خپل راپور کې ویلي، چې د داعش پر مرکز د بې‌پيلوټه الوتکې برید تېره شپه ناوخته شوی. که څه هم په راپور کې د وژل شویو داعش وسله‌والو شمېره نه‌ده په ډاګه شوې؛ خو وايي «دغه برید د داعشیانو له‌خوا د ترسره کېدونکو بریدونو مهم مرکز او پټنځای په نښه کړی او د دښمن دغه پټنځای یې په بشپړه توګه له‌منځه وړی دی».

المرصاد دا نه‌‌دي لیکلي، چې دغه عملیات د چا له‌‌خوا ترسره شوي او د داعش دغه پټن ځایونه د څه لپاره جوړ شوي وو. داعش هم تر دې مهاله د دغه برید په اړه څه نه‌دي ویلي.