د افغانستان کرېکټ بورډ د چهارشنبې په ورځ (د غبرګولي ۲۷مه) د یوې خبرپاڼې په خپرولو سره ویلي، د دغې لوبې پچه افغان لوبډلمشر حشمتالله شهیدي وګټله او لومړی یې د توپ اچونې پرېکړه وکړه.
لومړۍ یو ورځنۍ لوبه؛ هند د افغانستان د کرېکټ ملي لوبډلې ته ماتې ورکړه | افغانستان انټرنشنل پښتو
د هند د کرېکټ ملي لوبډلې د خپلو ټولو لوبغاړو په زیان افغان لوبډلې ته د ۴۰۳ منډو هدف ورکړ، خو افغان اتلانو ایله ۲۳۲ منډې جوړې کړې او بالاخره لوبه د ۱۷۱ منډو په توپیر د هند په ګټه پایته ورسېده.
د افغان لوبډلې په ګټه ننګیال خروټي ۴، راشد خان ۳، سلیم ساپي او محمد غضنفر یوه-یوه ویکټ ترلاسه کړه.
د افغانستان کرېکټ ملي لوبډلې ځلانده ستوري راشد خان په دې لوبې سره په نړیوالو سیالیو کې ۴۵۰ ویکټې ترلاسه کړې. نوموړي دغه ستره کارنامه په خپله ۲۳۷مه نړیواله پاڼۍ کې په خپل نوم کړه او لومړنی افغان لوبغاړی شو چې په نړیوال کرېکټ کې ۴۵۰ ویکټې ترلاسه کوي.
راشد خان تر دې مهاله په ټېسټ سیالیو کې ۴۵، په یو ورځنیو نړیوالو سیالیو کې ۲۱۲ او په شل اوریزو نړیوالو سیالیو کې ۱۹۳ ویکټې ترلاسه کړې دي.
راشد خان له دې سره سم، رحمانالله ګربز بیا په دې لوبې سره په یو ورځنیو نړیوالو سیالیو کې ۲۰۰۰ منډې بشپړې کړې او اووم افغان لوبغاړی شو چې دغه کارنامه په خپل نوم ثبتوي. نوموړي تر دې مهاله په ۵۴ریو ورځنیو نړیوالو سیالیو کې د هېواد استازیتوب کړی دی او د ۹ سلیزو او ۷ نیمه سلیزو پر مټ یې د ۳۸.۵۶ منډو په اوسط سره خپلې منډې ۲۰۰۰ ته ورسولې.
رحمانالله ګربزپه ورته وخت کې ځوان ښي لاسی توپوهونکی دروېش رسولي بیا نن د افغان لوبډلې په ګټه خپله لومړنۍ نړیواله یو ورځنۍ لوبه پیل کړه او ۶۷م لوبغاړی شو چې په یو ورځنیو نړیوالو سیالیو کې د افغانستان استازیتوب کوي.
دروېش رسوليد یادونې وړ ده، چې د افغانستان او هند د کرېکټ ملي لوبډلې به خپله درېیمه او وروستۍ یو ورځنۍ نړۍواله سیالي د راتلونکې شنبې په ورځ ترسره کړي.
