ټرمپ: د برېتانیا لومړی وزیر به استعفا وکړي
د امریکا ولسمشر ډونالډ ټرمپ ویلي، د برېتانیا لومړی وزیر کېیر سټامر په دوو خورا مهمو موضوعاتو کې پاتې راغلی او استعفا به وکړي. ټرمپ ویلي، چې « هغه په دوو خورا مهمو برخو ؛ کډوالي او انرژۍ کې پاتې راغلی».
ډونالډ ټرمپ پر خپله ټولنیزه پاڼه (ټروت سوشل) لیکلي:«کېیر سټارمر به د برېتانیا د لومړي وزیر له دندې استعفا وکړي.
ټرمپ دغه څرګندونې پر داسې مهال کړې دي چې د برېتانیا د لومړي وزیر کېیر سټارمر د سیاسي راتلونکي په اړه کړکېچ وروسته له هغې اوج ته ورسېد چې د کارګر ګوند دننه د هغه اصلي سیال او د مانچسټر پخواني ښاروال انډي برنهم په پارلماني ټاکنو کې پرېکنده بریا خپله کړه او پر سټارمر یې د استعفا فشارونه بېساري کړل.
باوري سرچینو رویټرز ته تایید کړې ده چې سټارمر د اونۍ پای د خپل سیاسي برخلیک پر ارزولو تېر کړی او ښايي د دوشنبې په ورځ پرېکړه وکړي، چې له خپلې دندې په شاتګ کوي او که د ګوند دننه د مشرتابه لپاره مبارزې ته دوام ورکوي.
