د مونیخ لاریون؛ افغان معترضانو د هرات د جبرییل پېښې د نړیوالو څېړنو غوښتنه وکړه

د طالبانو د غزني ښاروال ابو محمد ثابت په همدې تړاو جوړو شویو مراسمو کې وویل:«دغه مارکېټ د خصوصي سکتور له لوري د شاوخوا ۴۰۰ میلیونه افغانیو په پانګونې جوړیږي او د اقتصادي فعالیتونو د پراختیا او ښاري نظم په پیاوړتیا کې به مهم رول ولري».

د غزني ولایت لپاره د طالبانو د رسنیو دفتر د یکشنبې په ورځ (د غبرګولي ۳۱مه) د یوې خبرپاڼې په خپرولو سره ویلي، یاد سوداګریز مارکېټ به له فرخي څلورلارې څخه تر کلاسبز څلورلارې پورې په دوو پوړونو کې تر ځمکې لاندې جوړ شي، چې ۷۰۰ دوکانونه، جومات، هوټلونه، بانکونه او نورې اړینې اسانتیاوې به ولري.

د خبرپاڼې له‌مخې، یاده پروژه به د دوو کلونو په موده کې بشپړه شي او د جوړېدو پر مهال به شاوخوا ۴ زره کسانو ته به په مستقیم او غیر مستقیم ډول د کار زمینه برابره کړي.

د خصوصي سکټور د مسوولینو په وینا، دا به په ټول هېواد کې تر ځمکې لاندې تر ټولو لوی سوداګریز مارکېټ وي

مومند د ۱۳۶۷ کال په وږي میاشت کې د «سایوز ټي‌ام-۶» فضايي ماموریت د غړي په توګه د میر فضايي سټېشن ته سفر وکړ او شاوخوا ۹ ورځې یې په فضا کې تېرې کړې.

مومند د دغه ماموریت په لړ کې د «لینین» نښان او د «شوروي اتحاد د اتل» لقب ترلاسه کړ.

مومند د ۱۳۳۷ کال په مرغومي میاشت کې په غزني ولایت کې په یوه بزګره کورنۍ کې زیږیدلی و او په افغانستان او پخواني شوروي اتحاد کې له زده کړو وروسته د افغانستان په هوايي ځواک کې شامل شو.

هغه لومړنی افغان او د نړۍ څلورم مسلمان و چې فضا ته یې سفر وکړ او لومړی مسلمان و چې قران کریم یې فضا ته یووړ.

100%

د دغه ماموریت په لړ کې مومند په علمي، طبي او ځمکپېژندنې ازموینو کې برخه واخیسته او له فضا څخه یې د افغانستان انځورونه هم واخېستل.

هغه همدا راز له فضا څخه د خپلې کورنۍ او د افغانستان د هغه وخت له چارواکو سره خبرې وکړې او پښتو ژبه یې په فضا کې له اورېدل شویو لومړنیو ژبو څخه وګرځوله.

له فضا څخه تر راستنېدو وروسته، مومند د شوروي اتحاد له خوا د «شوروي اتحاد د اتل» لقب ترلاسه کړ او په افغانستان کې هم وستایل شو.

هغه لږه موده وروسته د افغانستان د هوایي چلند او ګرځندوی د وزارت د مرستیالۍ مقام ته ورسېد.

د ډاکټر نجیب د حکومت په پرځېدو او د کورنیو جګړو په توندېدو سره، مومند افغانستان پرېښود او په جرمني کې مېشت شو. عبدالاحد مومند په جرمني کې څه موده د بادن وورتمبرګ ایالت په شټوټګارټ پوهنتون کې د تشیال څیړنو په انستيتوت کې په کار بوخت و او وروسته یې له یوې کمپنۍ سره دنده کوله.

هغه کله ناکله د ستورمزلۍ د تاریخ او افغانستان په اړه په غونډو او پروګرامونو کې ګډون کاوه.

د دغه مکتوب له مخې، د راه فردا راډیو تلویزیون نشراتي جواز د طالبانو د رهبرۍ د مصلحتونو پر بنسټ له محمد محقق څخه اخیستل شوی او پر ځای یې سلمان اخلاقي د نوي صاحب امتیاز او عبدالرحمن میرزاد د مسوول مدیر په توګه ټاکل شوي دي.

په مکتوب کې راغلي چې دغه رسنۍ د پخواني جواز د مالکیت په تړاو د ستونزو له امله په موقت ډول له فعالیت څخه پاتې وه.

په مکتوب کې چې د طالبانو د ټولنیزو رسنیو د څار د رییس مولوي صفي الله رائد په لاسلیک خپور شوی، راغلي چې د ۱۴۰۲ کال د وري د ۲۵مې نېټې د G-03401 ګڼې جواز پر بنسټ، راه فردا راډیو تلویزیون ته اجازه ورکول کېږي چې د مکتوب له صادرېدو وروسته د طالبانو د اصولو مطابق خپل نشراتي فعالیت بېرته پیل او دوام ورکړي.

100%

دغه سند ښيي چې د طالبانو د اطلاعاتو او کلتور وزارت او د استخباراتو عمومي ریاست په ګډه پرېکړه کړې چې د دغې رسنۍ ملکیت او مدیریت نویو کسانو ته وسپاري.

تر دې وړاندې د یادې رسنۍ فعالیت د پخواني مالک محمد محقق د طالبانو ضد سیاسي دریځ له امله بند شوی و خو اوس ورته د طالبانو تر کنټرول لاندې د نویو شرایطو په منلو سره د بیا فعالیت اجازه ورکړل شوې ده.

د طالبانو د لوړو زده وزارت ویاند ضیاءالله هاشمي د یکشنبې په ورځ وویل، چې دغه پیسې پکتیا، ننګرهار او پکتیکا پوهنتونونو کې د څلور نیمه کاره شپږ پوړیزو لیلیو ودانیو او همدارنګه په کونړ کې د یوې دیني جامعې ودانۍ د پاتې چارو د بشپړېدو لپاره منظورې شوې دي.

نوموړې ویلي چې د یادو پروژو مالي لګښت د یادې ډلې د لوړو زده کړو وزارت له بودجې ورکول کېږي او تمه ده چې د روان کال تر پایه به بشپړې شي.

د طالبانو د لوړو زده کړو وزارت ویاند ویلي، چې د لیلیو او مدرسې په جوړېدو سره به شاوخوا ۵ زره محصلانو او د مدرسې طالبانو ته د اوسېدو او زده کړو لپاره مناسب ځای برابر شي.

د ایرنا خبري اژانس د راپور له مخې، د عراق د کورنیو چارو وزارت او د نجف په نړیوال هوايي ډګر کې مېشتې د کډوالۍ ادارې په هغو الوتنو کې چې له ایران نه د نجف او بغداد هوايي ډګرونو ته کېږي، د افغان او پاکستاني مسافرو د منلو لپاره نوي شرایط او محدودیتونه وضع کړي دي.

د خپرې شوې خبرتیا پر بنسټ، نجف او بغداد ته په تلونکو الوتنو کې د افغانستان او پاکستان د تابعیت لرونکو مسافرو منل تر بلې خبرتیا پورې ممنوع اعلان شوي دي.

په دغه اطلاعیه کې راغلي چې د دغو هېوادونو د مسافرو لېږد یوازې په هغه صورت کې شونی دی چې د هغوی د ویزې تصویر تر الوتنې وړاندې د مقصد هوايي ډګر (نجف یا بغداد) د کډوالۍ ادارې له خوا په رسمي توګه تایید شوی وي.

په ورته وخت کې په دې پرېکړه کې ځینې استثناوې هم په پام کې نیول شوې دي.

د دغو محدودیتونو له مخې، د کورنۍ غړي لکه مېرمنې او ماشومان، همدارنګه تر ۱۸ کلونو کم عمره ماشومان او د ۵۰ کلونو څخه پورته عمر لرونکي کسان له دغو نویو محدودیتونو څخه مستثنی دي.

خو د افغانستان او پاکستان هغه مجرد او ځوان نارینه مسافر چې په دغو استثنايي ډلو کې شامل نه وي، حتا د عراق د معتبرې ویزې په لرلو سره هم په الوتنو کې نه منل کېږي او سفر ته نه پرېښودل کېږي.

د ایران هما هوايي شرکت افغان او پاکستاني مسافرو ته سپارښتنه کړې ده چې د ټکټونو تر پېرلو او سفر تر پلانولو وړاندې دغه اعلان شوي شرایط او محدودیتونه په جدي توګه په پام کې ونیسي .

د عراق دغه اقدام ظاهرا د هغو ځوانانو مخنیوی ګڼل کیږي، چې له سفر وروسته په دغه هېواد کې پاتې کیږي، یا نورو هېوادونو ته د کار لپاره ځي.

په عراق کې بندي یو شمېر افغان کډوال په زندانونو کې د خپلو سختو شرایطو په اړه شکایت کوي او ددغه هېواد پر پولیسو تور لګوي، چې د پیسو په مقابل کې یې خوشې کوي.