المرصاد: د خیبر په قمبرخېل کې د داعش پر مرکزونو مرګوني «لېزري بریدونه» شوي
طالب پلوې رسنۍ المرصاد ادعا کړې چې د خیبر پښتونخوا خیبر ولسوالۍ د قمبرخېل په سیمه کې د داعش اړوند مرکزونه د نامعلومو وسلهوالو په مرګونو لېزري بریدونو کې په بشپړه توګه له منځه وړل شوي دي.
المرصاد په خپل ایکسپاڼه کې ویلي چې د دغو بریدونو ویډیوګانې یې له باوري سرچینو ترلاسه کړې دي. د رسنۍ په وینا، بریدونه پر هغو مرکزونو ترسره شوي چې د داعش جنګیالیو پورې تړاو لري.
المرصاد زیاتوي چې د دوی لاس ته د رسېدلو مستندو معلوماتو له مخې، په دغو «دقیقه بریدونو» کې د داعش پاتې عناصر او اړوند مرکزونه په بشپړه توګه له منځه وړل شوي دي.
یادې رسنۍ له خپل راپور سره یوه ویډیو هم خپره کړې، خو د بریدونو د وخت، د احتمالي مرګژوبلې او د بریدګرو د هویت په اړه یې نور جزییات نه دي ورکړي.
تر اوسه د دغو ادعاوو په اړه پاکستاني چارواکو او یا هم د داعش اړوندو سرچینو کوم غبرګون نه دی خپور کړی او د المرصاد له لوري وړاندې شوي معلومات په خپلواکه توګه نه دي تایید شوي.
