د ترکیې د بهرنیو چارو وزیر: اسراییل ښايي د امریکا او ایران د هوکړې د ګډوډولو هڅه وکړي

عباسي دغه څرګندونې د اروپايي ټولنې له خوا بروکسل ته د طالبانو د یوه پلاوي د بلنې په غبرګون کې کړې دي.

هغې ویلي، دا حالت د افغان ښځو لپاره «په مخ یو څپېړه» ده، ځکه هغه ښځې چې له خپلو حقونو بې برخې شوې دي، ګوري چې د هغوی د محدودولو عاملین په نړیوالو ناستو کې ګډون کوي.

عباسي زیاته کړې چې د طالبانو د واکمنۍ پر مهال پر ښځو او نجونو د زده‌کړو، کار، ټولنیز حضور او تګ راتګ په برخو کې پراخ محدودیتونه لګېدلي دي.

د ښځو د حقونو دغه مدافعې ټینګار کړی چې نړیواله ټولنه باید د افغان ښځو وضعیت له پامه ونه غورځوي او له طالبانو سره د هر ډول تعامل پر مهال د بشري حقونو موضوع په پام کې ونیسي.

ټرمپ پر «ټروت سوشل» خواله رسنۍ کې لیکلي چې امریکا د تېرو لسیزو په ترڅ کې د ناټو له غړو هېوادونو د ملاتړ لپاره «تریلیونونه ډالر» لګولي، خو دغه هېوادونه نه غواړي د ایران او د هغه د اټومي پروګرام پر وړاندې فعال رول ولوبوي.

هغه ویلي: «موږ له لسیزو راهیسې د هغوی دفاع کړې، خو کله چې د امریکا او نړۍ د دفاع خبره راشي، دوی دې کار ته چمتو نه دي.»

ټرمپ په ځانګړې توګه د ایټالیا او د دغه هېواد د لومړي وزیر یادونه کړې او ویلي یې دي چې دوی حتی د ایران د اټومي ګواښ پر وړاندې د مقابلې په برخه کې د ګډون فکر هم نه کوي.

د امریکا ولسمشر د ایران اټومي پروګرام «جدي ګواښ» بللی او ټینګار یې کړی چې واشنګټن له خپلو متحدینو د لا زیاتې همکارۍ تمه لري.

پیستوریوس له «ای.ار.ډي» ټلوېزیوني شبکې سره په خبرو کې ویلي: «په پای کې دا ډونالډ ټرمپ و چې د هُرمز تنګي په دې تنګه لار کې یې خنډ رامنځته کړ، نه موږ. خو اوس موږ لېواله یو چې دغه خنډ بېرته لرې شي.»

هغه زیاته کړه چې د هُرمز تنګي پرانیستل، یا په بله وینا د دې لارې د خوندي تګ راتګ تأمینول، د اروپا، د انرژۍ د تأمین او د اقتصادي ودې د بیا پیاوړتیا لپاره مهم ارزښت لري.

د جرمني دفاع وزیر همداراز ټینګار وکړ چې د هرمز تنګي د بیا پرانیستلو لپاره هر ډول هوکړه به د ایران او عمان ملاتړ او همکارۍ ته اړتیا ولري.

د نوموړي څرګندونې داسې مهال مطرح کېږي چې د هرمز تنګي وضعیت د نړیوالو انرژۍ بازارونو او سیمه‌ییز امنیت له مهمو موضوعاتو څخه ګڼل کېږي او د دې لارې هر ډول محدودیت د نفتو او سوداګریزو لېږدونو پر بهیر مستقیم اغېز لرلای شي.

د رویټرز د راپور له مخې، د اروپا په ډېرو برخو کې د یکشنبې په ورځ شدیده ګرمي خپره شوې، چې له امله یې د هوايي خطرونو خبرداري ورکړل شوي، د ترانسپورت سیستمونه ګډوډ شوي او حتا د وحشي ژویو او سیاحتي سیمو چاپېریال اغیزمن شوی.

د جون ۲۱مه، چې د شمالي نیم‌کرې د اوړي اوږده ورځ ده او ډېری د کال تر ټولو ګرمو میاشتو پیل ګڼل کېږي، سږ کال د تودوخې د ژر او شدید پیل په اړه اندېښنې زیاتې کړې دي.

په ایټالیا کې، له څو ورځو له ۳۵ درجې لوړې تودوخې وروسته، چارواکو په اتو ښارونو کې د لوړ خطرخبرداری ورکړی، چې بولوونیا، فلورانس، میلان او تورین پکې شامل دي.

په روم کې زیارت کوونکي د پاپ د دعا پر مهال په سینټ پیټرز میدان کې له لمر څخه د ځان ساتلو لپاره چترۍ او سیوري کاروي.

دا توده هوا د شمالي افریقا له صحرا څخه د ګرمو بادونو د حرکت له امله ده، چې د «افریقایي انټي‌سایکلون» په نوم قوي فشار سیستم یې تقویه کړی دی.

هواپوهان وایي چې دا سیستم د حرارتي ګنبزې په بڼه کار کوي، یانې ګرمه هوا په لویدیزه او مرکزي اروپا کې بندوي او ورځ تر بلې یې تودوخه زیاتوي.

په هسپانیا کې خلک د مادرید په مشهور ای راسټرو بازار کې د لاسي پکو په کارولو او یخو څښاکونو ځانونه ساتي.

هوايي ادارې په څو سیمو کې د ۳۹ تر ۴۰ درجې پورې د تودوخې خبرداری ورکړی او ویلي یې دي چې دا څپه به لږ تر لږه څه وخت نور هم دوام وکړي.

په فرانسه کې د سختې ګرمۍ له امله د ریل پټلۍ سیستم سخت اغېزمن شوی، ځکه تودوخه کولی شي د پټلۍ فلزات وغځوي او د برېښنا لینونه زیانمن کړي. له همدې امله لسګونه ریل ګاډي لغوه شوي او زرګونه کارکوونکي د بیړني ترمیم لپاره ګومارل شوي دي.

په جرمني کې هم د ۳۸ درجې تودوخې راپور ورکړل شوی او د سختو تندرونو او بارانونو خبرداری ورکړل شوی چې د برلین ځینې سیمې یې اغېزمنې کړې دي. تېرې دوه ورځې په جرمني کې ورښتونه هم شوي، خو د ګرمۍ شدت نه دی کم شوی.

همدارنګه د بلجیم په ځینو سیمو کې د ځنګلي ژویو د ژغورنې مرکزونه وایي چې لسګونه مرغان او نور حیوانات د ګرمۍ له امله زیانمن شوي او حتا له ځالې غورځېدلي دي.

کارپوهان وایي چې په اروپا کې دا ډول شدیدې ګرمۍ د اقلیمي بدلون له امله ورو ورو زیاتېږي او لا هم د قوي او پرله‌پسې تودوخې څپو احتمال لوړ دی.

جي‌ډي وېنس د یکشنبې په ورځ په سویس کې له خبریالانو سره د خبرو پرمهال وویل، چې په تېرو دریو میاشتو کې له منیر سره تر بل هر چا ډېر غږیدلی دی.

نوموړي د پاکستان د پوځ د مشر عاصم منیر په اړه دغه څرګندونې د ټوکې په ډول وکړې، خو وېنس زیاته کړه:«که د هغه سیاسي تدبیر او رهبري نه وای، موږ به نن دغه ځای ته نه وو رسېدلي. هغه که څه هم یو پوځي مشر دی، خو زما په اند ځان یې یو لوی ډیپلوماټ ثابت کړ».

وېنس زیاته کړه، « هغه په همغه اندازه چې د امریکا یو حیرانوونکی ملګری دی، دغه پړاو ته زموږ په رسولو کې یې هم یو مهم رول لوبولی دی.»

جي‌ډي وېنس د پاکستان د لومړي وزیر شهباز شریف د رول ستاینه هم وکړه او هغه یې د ټرمپ نږدې ملګری وباله.

د وینس له څرګندونو وړاندې شهبازشریف په خپلو خبرو کې د نوموړي او د امریکا د ولسمشر ستاینه وکړه او وروسته یې په خپلو خبرو کې د جنرال عاصم منیر رول هم وستایه.