د پېښور سترې محکمې د لسګونه هغه کسانو عریضې رد کړې چې د پاکستاني تابعیت ادعا لري

د دوشنبې په ورځ د بلوچستان ايالت په سېف الله کلا سيمه کې د عثمان خان کاکړ د پنځم تلين غونډې ته په خپله وينا کې مختار خان يوسفزي وويل، افغانستان کې «زموږ په خويندو، مېندو او لوڼو باندې کاروبار او ژوند بند کړل شوی، زده کړې نشي ترلاسه کولی، روزګار نشته».

هغه وويل، په افغانستان کې په سياسي فعالیتونو بندیز ده، رسنۍ او بشري حقونه د بنديز سره مخ دي او پر دې سربېره افغانستان د «پنجابي استعمار د مستقلې خطرې سره مخ دی».

مختار خان يوسفزي د پاکستان لخوا په افغانستان کې د بمباريو په تړاو وويل، پاکستان دا وايي چې په افغانستان کې د «پاکستاني طالبانو غړي، ترهګر او د هند ايجنټان ناست دي موږ پرې بمباري کوو».

هغه وويل، «د پاکستان نه پوښتنه کوم چې تا هلته (په افغانستان کې) څومره ترهګر ووژل، تا خو په روغتون کې خلک ووژل، تا د کونړ او نورستان بې ګناه ولسونه په کورونو کې مړه کړه او د پنجاب جنرالان دې دا ځواب راکړي چې په کابل کې خو بمباري کوې خو په پښتونخوا کې چې وسله وال ناست دي دا خلک چا کښېنولي دي؟».

يوسفزي وويل، پښتونخوا ته د طالب په نوم دغه خلک پاکستاني جنرالانو راوستي دي.

المرصاد په خپل ایکس‌پاڼه کې ویلي چې د دغو بریدونو ویډیوګانې یې له باوري سرچینو ترلاسه کړې دي. د رسنۍ په وینا، بریدونه پر هغو مرکزونو ترسره شوي چې د داعش جنګیالیو پورې تړاو لري.

المرصاد زیاتوي چې د دوی لاس ته د رسېدلو مستندو معلوماتو له مخې، په دغو «دقیقه بریدونو» کې د داعش پاتې عناصر او اړوند مرکزونه په بشپړه توګه له منځه وړل شوي دي.

یادې رسنۍ له خپل راپور سره یوه ویډیو هم خپره کړې، خو د بریدونو د وخت، د احتمالي مرګ‌ژوبلې او د بریدګرو د هویت په اړه یې نور جزییات نه دي ورکړي.

تر اوسه د دغو ادعاوو په اړه پاکستاني چارواکو او یا هم د داعش اړوندو سرچینو کوم غبرګون نه دی خپور کړی او د المرصاد له لوري وړاندې شوي معلومات په خپلواکه توګه نه دي تایید شوي.

رانا ثناءالله دغه څرګندونې په پارلمان کې د حکومت او مخالف ګوند تحریک انصاف د مهمو مشرانو له لیدنې وروسته وکړې.

د ډان ورځپاڼې د خبر له مخې، رانا ثناءالله له غونډې وروسته خبریالانو ته وویل، چې مخالفینو په ملي اسمبلۍ کې لومړي وزیر شهباز شریف ته د جون په ۳۰مه د پخوانۍ فاټا او پاټا سیمو د مالیاتي معافیت د پای ته رسېدو په اړه خپلې اندېښنې څرګندې کړې وې.

هغه هیله څرګنده کړه، چې په دې برخه کې به له ای‌اېم‌اېف څخه همکاري وغواړي، څو د پخوانۍ فاټا او پاڼا مالیاتي معافیت وغځول شي.

پخوانۍ فاټا او پاټا، چې په ۲۰۱۸م کال کې له خيبرپښتونخوا سره مدغم شوي، د هغو شته سوداګریو له ګټو او عوایدو څخه چې د افرادو له‌خوا پرمخ وړل کېږي، له مالیې څخه معاف دي.

د تېرې اونۍ په سې‌شنبې په ورځ په ملي اسمبلۍ کې د بودجې د بحث پر مهال، د سرحداتو، کشمير او ګلګت لپاره مرکزي وزير امير مقام په پخوانۍ فاټا او پاټا کې د مالیاتي معافیت پر دوام ټینګار کړی وو او ویلي یې وو، چې دا سیمې د کلونو جګړو او بې‌ځایه کېدو له امله لا هم له اقتصادي ننګونو سره مخ دي.

د روانې میاشتې په پیل کې، د قبايلي سيمې یوې جرګې په مدغم شویو قبایلي ولسوالیو کې د هر ډول مالیاتو له لګولو سره مخالفت وکړ او ویې ویل، تر هغه چې د فاټا او خیبر پښتونخوا د ادغام په اړه د سترې محکمې پرېکړه نه‌وي شوي، دا ډول اقدام به غیرقانوني او د اساسي قانون خلاف وي. دغې جرګې همدارنګه خبرداری ورکړ، چې د دې موضوع په تړاو به په ټولو اوو قبایلي ولسوالیو کې اعتراضي لاریونونه وکړي.

د عوامي نشنل ګوند عمومي مرستيالې سکرترې او د پارلمان پخوانۍ غړې شګفته ملک له افغانستان انټرنشنل- پښتو سره په ځانګړې مرکه کې وويل، په نړۍ کې ښځې د پرمختګ په حال کې دي، خو «افغانستان چې يوې خوا ته د ترهګرۍ ښکار دی، نو بلې خوا ته یې مېرمنې د خپلو اساسي حقونو لکه زده کړو، روغتيا او نورو حقونو څخه یې مخنيوی کیږي د مېرمنو پر وړاندې داسې چلند د غندلو وړ دی».

شګفته ملک زیاته کړه، د ټولنې نيمايي برخه مېرمنې وي او که چېرې مېرمنې له خپلو اساسي حقونو څخه محرومه کړل شي نو هغه ټولنې پرمختګ نه‌شي کولای.

هغې همدارار څرګنده کړه، د بشري حقونو سازمانونه او سياسي ګوندونه هم په افغانستان کې د ښځو او نجونو پر وضعيت اندېښنې څرګندوي او هيله لري، چې په راتلونکې کې افغان ښځې او نجونې د خپل روښانه سباوون لپاره پر خپلو لارو غوره کولو کې ازادي ولري.

نوموړي په ډاګه کړه: «د يوې ټولنې پرمخ تللو لپاره اړينه ده، چې له نارينه‌وو سره ښځې اوږه په اوږه خپل رول ولوبوي».

جمایمه اپریدۍ: نړۍ د ښځو پر وړاندې د طالبانو پر روان ظلم چوپه خوله ده | افغانستان انټرنشنل پښتو

د يادونې وړ ده، چې په دې وروستیو کې د افغانستان په هرات کې د طالبانو له لوري د ښځو نيول او د لاريونونو ځپل د نړۍوالو له غبرګونونو سربېره په پاکستان کې هم د بشري او د ښځو د حقونو فعالانو او همداراز سیاسي څېرو له افغان ښځو سره د طالبانو دغه چلند غندلی دی.

د پاکستان د بشري حقونو کميسيون د جمعې په ورځ (د غبرګولي ۲۹مه) د یوې اعلامیې په خپرولو سره وويل، دا پېښه نه یوازې د مذهبي لږکیو او د هغوی د عبادت ځایونو د خوندیتوب او امنیت په اړه جدي اندېښنې راپورته کوي، بلکې د هغو شرایطو په اړه هم پوښتنې راولاړوي چې دا برید په‌کې شوی دی.

په اعلامیه کې راغلي: «ښيي تورن بریدګر چې په دغه ځای کې د امنیت په ټینګولو بوخت وو، ځانګړې څېړنې ته اړتیا لري او د مذهبي لږکیو د خوندیتوب په اړه د سترې محکمې د ۲۰۱۴ کال د پرېکړې په پلي کولو کې د لا پیاوړي غوراوي او څارنې د میکانیزمونو اړتیا په ګوته کوي».

د پاکستان د بشري حقونو کمیسیون د مردان د پولیسو د مشر پر هغو عامه څرګندونو هم اندېښنه ښودلې، چې دا پېښه یې په لومړیو پړاوونو کې شخصي دښمني بللې وه.

د تېرې چهارشنبې په ورځ د مردان پوليسو ويلي وو، چې په بابو محله ګنج بازار سيمه کې ناپېژاندو وسله‌والو په درمسال کې دننه ښځه او مېړه (اساونتي ښځه او جګنات مېړه) په ډزو سره وژلي وو.

د مردان د پوليسو مشر مسعود احمد د جمعې په ورځ له رسنیو سره خبرو کې وويل، په پېښه کې تورن کس شېرشاه نيول شوی او په لومړنیو څېړنو کې له کومې ناقانونه يا ترهګرې ډلې سره د هغه د اړيکو په تړاو تر اوسه کره شواهد نه‌دي ترلاسه شوي.

هغه زیاته کړې، تورن کس هم په لومړنیو پوښتنو کې د پېښې په تړاو خپل شخصي دريځ څرګند کړی، خو په وینا یې پولیس به خپلو څېړنو ته دوام ورکړي.