د هرمز تنګي له لارې د نفتو او ګازو د کښتیو تګ راتګ بېرته ډېر شوی
د رویټرز د راپور له مخې د هرمز تنګي له لارې د سوداګریزو کښتیو تګ راتګ له ورو کېدو وروسته بېرته مخ په زیاتېدو دی. ویل کیږي د قطر څلور د طبیعي ګازو کښتۍ د دوشنبې په ورځ له تنګي تېرې شوې او د نفتو څو نورې کښتۍ هم خلیج ته داخلې شوې دي.
د امریکا تر مشرۍ لاندې د ګډ سمندري معلوماتو مرکز ویلي چې سوداګریزې بېړۍ لا هم د عمان د ساحلي اوبو او د ایران تر کنټرول لاندې شمالي مسیر له لارې تګ راتګ کوي.
د کښتیو د څارنې شرکتونو په وینا، که څه هم د تګ راتګ کچه لا هم د جګړې له پیل مخکې کچې ته نه ده رسېدلې، خو د بېړیو د تګ راتګ بهیر مثبت لوري ته روان دی.
