د افغانستان لپاره د ملګرو ملتونو ځانګړي راپور ورکوونکي ریچارد بېنېټ ویلي، چې افغانستان لاهم د شکنجې او ځورونې له ګواښ سره مخ هېواد دی. نوموړي زیاته کړې، چې د دغه ګواښ د لهمنځه وړلو په برخه کې د طالب مشرانو لهخوا هیڅ ډاډ نهشته.
بېنېټ له اروپايي ټولنې او غړو هېوادونو غوښتنه کړې، چې افغان کډوال بېرته له ګواښ سره مخ نهکړي. نوموړي د شکنجې ضد د ملګرو ملتونو د کمېټې څلورم عمومي نظر له مخې ویلي: «کمېټه باور لري، د هغه هېواد له لوري ورکړل شوي ډیپلوماټیک تضمینونه چې یو کس له هېواده اېستل کېږي، باید د نه ستنولو د اصل د کمزوري کولو لپاره د یوې تشې په توګه ونه کارول شي؛ په ځانګړي ډول هغه مهال چې د دغه باور لپاره پیاوړي دلایل شته چې نوموړی به په هغه هېواد کې د شکنجې له ګواښ سره مخ شي».
بېنېټ ټینګار کړی، چې باید د هر کډوال د وضعیت جلا ارزونه وشي. هغه زیاته کړې: «که داسې نښې او شواهد وي، چې یو کس به په خپل هېواد کې له شکنجې، ځورونې یا ناوړه چلند سره مخ شي؛ نو بل هېواد نهشي کولی یوازې د هغه هېواد پر تضمینونو باور وکړي او نوموړی بېرته واستوي. د هر کس وضعیت باید په جلا توګه وڅېړل شي او وارزول شي چې ایا له ګواښ سره مخ دی که نه».
دا په داسې حال کې ده، چې ټاکل شوې نن د طالبانو يو پلاوی په بروکسل کې له اروپا نه د افغان کډوالو د اېستلو په اړه خبرې وکړي.
