شهباز شریف: د ایران د بالستیک توغندیو په اړه باید دوهګونی معیار شتون ونهلري
د پاکستان لومړي وزیر شهباز شریف ویلي، د ایران د بالستیک توغندیو د پروګرام په اړه باید دوهګونی معیار ونهکارول شي او تهران د نورو هېوادونو په څېر د دغو توغندیو د لرلو حق لري.
د رویټرز د راپور له مخې، شریف د سېشنبې په ورځ خبریالانو ته وویل چې د ایران او امریکا ترمنځ په وروستي تفاهملیک کې د بالستیک توغندیو موضوع نه ده یاده شوې، ځکه دا موضوع هېڅکله د دواړو لورو د مذاکراتو برخه نه وه.
د پاکستان لومړي وزیر ټینګار وکړ چې د ایران د توغندیو پروګرام باید د نورو هېوادونو د ورته پوځي وړتیاوو په څېر وارزول شي او په دې برخه کې باید یو شان معیارونه پلي شي.
