محمود خان اڅکزی: میلیونونه پاکستانیان دوه‌ګونی تابعیت لري خو بحث یوازې پر ما کېږي

هغه وويل، پاکستانیان چې دوه ګونی تابعيت یې ترلاسه کړی، په «هغو کې جنرالان هم شته، غریب هم شته او بډایه هم. د کاناډا، امریکا، جرمني، ترکیه، ایټالیا تابعتونه لري».

هغه د پوښتنې په توګه وويل که کوم پاکستانی افغان تذکره ترلاسه کړي او کوم افغان وګړی د پاکستان پېژندپاڼه ولري «نو ایا اسمان به راولوېږي که چیرې کوم پنجابی لاړ شي او په کابل کې بنګله جوړه کړي او پښتانه دلته پنجاب ته راشي؟ په دې کې څه بد دي؟ لاړ شئ بسم الله کړئ، دا کومه بده خبره ده؟»؟

محمود خان اڅکزي وويل، «دا چې زما خلاف خبرې کوي، زه پوهېږم چې د دې ټولو تذکرې جوړې شوې دي، د ټولو تذکرې شته، نو دوه ګونی تابعیت لرل کومه بده خبره نه ده، په نړۍ کې د دې خپل قوانین شته چې که تاسو دوه ګونی تابعیت ولرئ».