ټرمپ وايي د هرمز تنګي له لارې ۱۹ میلیونه بېرله تېل لېږدول شوي

د سي‌اېن‌اېن د راپور له مخې، دغه پیلوټ چې وروسته د امریکايي ځانګړو ځواکونو له خوا ژغورل شوی، استخباراتي چارواکو ته ویلي چې ګڼ شمېر ایراني بې‌پیلوټه الوتکې یې په هوا کې داسې لیدلې چې د یوه واحد جوړښت په څېر یې حرکت کاوه او بڼه یې د «سمندر ي ژوي» یا «جیلی فش» په څېر ښکارېده.

د راپور له مخې، دغه الوتکه د ایران او امریکا ترمنځ د وروستۍ جګړې پر مهال لومړنۍ امریکايي الوتکه وه چې د ایران په فضا کې وویشتل شوه. پیلوټ له الوتکې تر وتلو څو ساعته وروسته وژغورل شو، خو د وسلو د سیسټم مسوول افسر تر یوې ورځې ډېر د ایران په غرنیو سیمو کې پټ پاتې شو او وروسته د ژغورنې ځواکونو وموند.

سرچینو ویلي چې پیلوټ د ډرونونو داسې جوړښت تشریح کړی چې لوی ډرونونه یې په سر کې وو او کوچني ډرونونه یې لاندې د پښو په څېر ځړېدل. یوې بلې سرچینې ویلي چې پیلوټ په هوا کې د ډرونونو دومره ګڼ او متراکم حضور لیدلی و چې د ماینونو له ډک میدان سره یې ورته والی درلود.

د امریکا استخباراتي ادارو کې د پیلوټ د دې ادعاوو په اړه بحثونه روان دي. ځینې چارواکي باور لري چې که د هغه لیدنه سمه وي، نو دا به د ایران د ډرون ټکنالوژۍ په وړتیاوو کې یو مهم پرمختګ وښيي. خو نور چارواکي د دې احتمال هم مطرح کوي چې ښايي پیلوټ د ټپونو، جګړه‌ییز فشار یا د پېښې د شرایطو له امله وضعیت په بشپړه توګه نه وي درک کړی.

راپور زیاتوي چې پیلوټ له الوتکې د غورځېدو پر مهال په سر ټپي شوی هم و.

د پاکستان او روسیې د ترهګرۍ ضد ګډې کاري ډلې ۱۲مه غونډه د ۲۰۲۶ کال د جون په ۲۳مه په اسلام اباد کې جوړه شوې ده.

ددې ناستې مشري د پاکستان د بهرنیو چارو وزارت اضافي سکرتر سفیر محمد خالد خان جمالي، او د روسیې فدراسیون د بهرنیو چارو وزارت مرستیال دیمیتري لیوبینسکي کړې ده.

د یاد وزارت په وینا، په غونډه کې خبرې د سیمه ییزو ترهګریزو ګواښونو او د افغانستان د وضعیت په اړه خبرې شوې دي.

دواړو لوریو د ترهګرۍ ضد مبارزې په برخه کې د دوه اړخیزو همکاریو پر پیاوړتیا ټینګار کړی دی.

روسیه له داعش نه اندېښمنه ده او طالبان پر پاکستان تور لګوي، چې په خپله خاوره کې یې د دداعش لپاره مرکزونه پرانېستي، خو اسلام په مقابل کې افغان طالبان د ټي ټي پي او نورو پاکستان ضد وسله والو ډلو په ملاتړ تورنوي.

له دې ډلې اته د تېلو ټانکرونه او دوه بار وړونکې کښټۍ له فارس خلیج نه وتلې دي. همدارنګه په یاده موده کې اته د تېلو ټانکرونه او شپږ بار وړونکې کښټۍ فارس خلیج ته داخلې شوې دي.

دغه شمېرې د ایران پر وړاندې د جګړې د مودې پرتله د سمندري تګ‌راتګ د پام وړ زیاتوالی ښيي. دغه جګړه د کب میاشتې راهیسې پیل شوې وه؛ خو سره له دې د بېړیو د تګ‌راتګ کچه لاهم د جګړې له مخکینیو شرایطو ډېره ټیټه ده.

د جګړې له پیل وړاندې په منځنۍ کچه هره ورځ شاوخوا ۱۱۰ کښتۍ له هرمز تنګي تېرېدې. دغه شمېرې ښیي، چې اوسنی تګ‌راتګ لا هم عادي حالت ته نه‌دی ستون شوی.

د فرانسې په بوردو ښار کې د هوا تودوخه ۴۱.۹ سانتي‌ګرادو ته ورسېده او د تېرکال د اګست میاشتې ثبت شوی ریکارډ یې مات کړ. همدارنګه د فرانسې د مرکزي سیمې په پواتیه ښار کې تودوخه ۴۱.۲ سانتي‌ګرادو ته لوړه شوه، چې د ۱۹۴۷ کال له ثبت شوي ریکارډ څخه هم زیاته ده.

د فرانسې د ملکي خوندیتوب ادارې چارواکو له خلکو غوښتي، یوازې په هغو سیمو کې لامبو ووهي چې تر څار لاندې وي. دغه خبرداری وروسته له هغې ورکړل شو، چې د یکشنبې او دوشنبې ترمنځ لږترلږه ۱۳ کسان په اوبو کې د ډوبېدو له امله مړه شوي دي. شمېرې ښيي، چې تېرکال په فرانسه کې د ګرمو څپو پرمهال په اوبو کې د ډوبېدو له امله د مړینې شمېر تر ۱۷۲ سلنې زیات و.

د لندن د امپیریال پوهنتون د هوا او چاپېریال برخې څېړونکې کلر بارنز ویلي، چې ګرمه هوا د افریقا له لویې صحرا څخه اروپا ته راخوځېږي او د یادې هوا د ډېر ورو حرکت له امله نږدې هېڅ باد یا یخه څپه نه‌شته چې هوا سړه کړي. هغې زیاته کړې، اقلیمي بدلون د ګرمو څپو او توپانونو شدت زیات کړی چې د تودوخې د لوړېدو او د سختو بارانونو د زیاتېدو لامل شوی دی.
د برېتانیا د هواپېژندنې ادارې هم ویلي، چې د دغه هېواد څلور ورځنۍ ګرمه څپه ښايي په ځینو سیمو کې تودوخه تر ۳۹ سانتي‌ګرادو لوړه کړي. که دغه وړاندوینه رښتیا شي؛ نو د جون میاشتې پخوانی ریکارډ چې ۳۵.۶ سانتي‌ګراد و او په ۱۹۵۷ او ۱۹۷۶ کلونو کې ثبت شوی و مات به شي.

په هسپانیا کې د هواپوهنې چارواکو ویلي، چې په ډېرو سیمو کې د هوا تودوخه د دغه فصل له عادي منځنۍ کچې څخه د ۵ تر ۱۰ سانتي‌ګرادو لوړه ده او په ځینو شمالي سیمو کې دغه توپیر تر ۱۰ سانتي‌ګرادو هم اوړي.

اېټالیا د دوشنبې په ورځ د ۱۲ ښارونو لپاره د سختې ګرمۍ خبرداری ورکړ. ګرمې څپې یوازې انسانان نه‌دي اغېزمن کړي؛ بلکې په بلجیم کې د ځنګلي ژوو د ساتنې فعالان وایي، هغه مرغان چې د کورونو تر چتونو لاندې ځالې جوړوي سخت زیانمن شوي دي.

د راپور له مخې، کیم جونګ اون دا څرګندونې د واکمن کارګر ګوند د مرکزي کمېټې په غونډه کې کړې، چې د شنبې په ورځ پیل او د دوشنبې په ورځ پای ته رسېدلې ده.

نوموړي په خپلو خبرو کې ویلي چې په نړۍ کې «نه‌تصور کېدونکي او حیرانوونکي پېښې» د هغه څه له امله رامنځته کېږي چې هغه یې د «غاصبو قدرتونو ځان‌غوښتنه» بللې ده. هغه ادعا کړې چې متحده ایالات د اروپا او منځني ختیځ د تاوتریخوالي په زیاتېدو کې رول لري.

کیم جونګ اون همداراز متحده ایالات او جنوبي کوریا تورن کړي چې د ګډو پوځي او اټومي ظرفیتونو په پراخولو سره د کوریا ټاپووزمې امنیتي وضعیت لا خطرناک کوي.

هغه ویلي: «د اټومي ځواکونو دوامداره پراختیا او د اټومي دولت د دریځ بشپړ عملي کول د دې لپاره تر ټولو سم او مهمه لاره ده چې د نړیوالې نظامي او سیاسي ناپېژندل شوي وضعیت سره مقابله وشي.»

د راپور له مخې، د شمالي کوریا مشر د دفاعي توان د پیاوړتیا ترڅنګ د عادي وسلو د پراختیا او د ۱۰ زره ټنه وزن لرونکې ستراتیژیکې توغندیزې بېړۍ د جوړولو د چټکتیا امر هم کړی دی.

په راپور کې دا هم ویل شوي چې شمالي کوریا له اوږدې مودې راهیسې د ملګرو ملتونو او متحده ایالاتو له سختو بندیزونو سره مخ دی، خو بیا هم د خپلو اټومي او بالستیک توغندیو پروګرامونو ته دوام ورکوي، چې د سیمې د هېوادونو اندېښنې یې زیاتې کړې دي.