د ۲۴ ساعتونو په موده کې ۲۴ سوداګریزې کښتۍ د هرمز تنګي له لارې تېرې شوې
سياېناېن د دوشنبې په ورځ د مارین ټرافیک د معلوماتو له مخې خبر ورکړی، چې په تېرو ۲۴ ساعتونو کې شاوخوا ۲۴ سوداګریزې کښتۍ له هرمز تنګي تېرې شوې دي. شمېرې ښيي، د نړۍ د انرژۍ په یوه مهم سمندري دهلېز کې د کښتیو تګراتګ د پخوا پرتله ډېر شوی دی.
له دې ډلې اته د تېلو ټانکرونه او دوه بار وړونکې کښټۍ له فارس خلیج نه وتلې دي. همدارنګه په یاده موده کې اته د تېلو ټانکرونه او شپږ بار وړونکې کښټۍ فارس خلیج ته داخلې شوې دي.
دغه شمېرې د ایران پر وړاندې د جګړې د مودې پرتله د سمندري تګراتګ د پام وړ زیاتوالی ښيي. دغه جګړه د کب میاشتې راهیسې پیل شوې وه؛ خو سره له دې د بېړیو د تګراتګ کچه لاهم د جګړې له مخکینیو شرایطو ډېره ټیټه ده.
د جګړې له پیل وړاندې په منځنۍ کچه هره ورځ شاوخوا ۱۱۰ کښتۍ له هرمز تنګي تېرېدې. دغه شمېرې ښیي، چې اوسنی تګراتګ لا هم عادي حالت ته نهدی ستون شوی.
