د پاکستان او روسیې چارواکو د ترهګرۍ پر ګواښونو خبرې کړې دي
د پاکستان او روسیې ترهګرۍ ضد ګډې کاري ډلې ۱۲مه غونډه اسلام اباد کې جوړه شوې، چې د پاکستان د بهرنیو چارو وزارت په وینا، د دواړو هېوادونو چارواکو پکې د سیمه ییزو ترهګریزو ګواښونو، په ځانګړي ډول افغانستان اړوند اندېښنو په اړه خبرې کړې دي.
د پاکستان او روسیې د ترهګرۍ ضد ګډې کاري ډلې ۱۲مه غونډه د ۲۰۲۶ کال د جون په ۲۳مه په اسلام اباد کې جوړه شوې ده.
ددې ناستې مشري د پاکستان د بهرنیو چارو وزارت اضافي سکرتر سفیر محمد خالد خان جمالي، او د روسیې فدراسیون د بهرنیو چارو وزارت مرستیال دیمیتري لیوبینسکي کړې ده.
د یاد وزارت په وینا، په غونډه کې خبرې د سیمه ییزو ترهګریزو ګواښونو او د افغانستان د وضعیت په اړه خبرې شوې دي.
دواړو لوریو د ترهګرۍ ضد مبارزې په برخه کې د دوه اړخیزو همکاریو پر پیاوړتیا ټینګار کړی دی.
روسیه له داعش نه اندېښمنه ده او طالبان پر پاکستان تور لګوي، چې په خپله خاوره کې یې د دداعش لپاره مرکزونه پرانېستي، خو اسلام په مقابل کې افغان طالبان د ټي ټي پي او نورو پاکستان ضد وسله والو ډلو په ملاتړ تورنوي.
