روسیې د اوکراین جګړې یو مخالف سیاستوال په ۷ کاله بند محکوم کړی
په مسکو کې یوې محکمې د دغه هېواد د لېبرال ګوند مرستیال مکسیم کرګلوف پر ټولنیزو رسنیو د روسیې پوځ په اړه د ناسمو معلوماتو خپرولو په تور په ۷ کاله بند محکوم کړی دی.
دغه روسي سیاستوال چې د مسکو د ښاري شورا پخوانی غړی هم دی، تېر کال په اکتوبر کې ونیول شو. پر نوموړي تور و چې په ۲۰۲۲ کال کې یې پر اوکراین د روسیې د برید پرمهال پر خپل ټلیګرام شبکه په خپلو دوو لیکنو کې د روسیې پوځ د بدنامولو هڅه کړې وه.
هغه په محکمه کې ځان بېګناه بللی دی او ویلي یې دي چې د اوکراین جګړه یوه لویه تراژیدي ده او باید ژر تر ژره ودرول شي.
نوموړي یوه لیکنه کې د کېف په شمالي بوچا ښارګوټي کې د ملکي وګړو د وژنو په اړه اشاره کړې وه.
دغه روسي سیاستوال پرداسې مهال په ۷ کاله بند محکوم شوی چې دوه میاشتې وروسته په روسیه کې پارلماني ټاکنې پیلږي.
