د افغانستان د ووشو فدراسیون اعلان کړی، چې د هېواد د ووشو ملي لوبډله د شانګهای همکارۍ سازمان د غړو هېوادونو د اسیا جام اتلولۍ سیالیو کې د ګډون لپاره چین ته تللې ده. دغه سیالي به د ۲۰۲۶کال د جون په ۲۷مه او ۲۸مه د چین د هوبي ولایت په انلو ښار کې ترسره شي.
ټاکل شوې ده، چې د شانګهای همکارۍ سازمان د غړو هېوادونو لوبغاړي په دغه سیالیو کې د بېلابېلو وزنونو په کټګوریو کې سیالي وکړي. د افغانستان د ووشو فدراسیون وړاندې اعلان کړی و، دغه سیالۍ به د ۵۲، ۵۶، ۶۰، ۶۵، ۷۰، ۷۵ او ۸۰ کیلوګرامه وزنونو په کټګورۍ کې ترسره شي چې موخه یې د ووشو سپورت پراختیا او د غړو هېوادونو ترمنځ د کلتوري تبادلې پراختیا ده.
د افغان لوبډلې مشري به د ووشو د ملي لوبډلې روزونکی محفوظ وفا کوي. شپږ افغان لوبغاړي په دغه سیالیو کې برخه اخلي:
شهزاد (۵۶ کیلوګرامه)
جمعه خان (۶۰ کیلو ګرامه)
محمد حامد اشرفي (۶۵ کیلو ګرامه)
محمد خالد هوتک (۷۰ کیلو ګرامه)
محمد جعفر سلطاني (۷۵ کیلو ګرامه)
محمد رضا رستمي (۸۰ کیلو ګرامه)
