پاکستاني طالبانو په جنوبي وزیرستان کې اووه برمته شوي پولیس خوشي کړل
پاکستان طالبانو د یوې جرګې په منځګړتوب د جنوبي وزیرستان له سراروغه تحصیل څخه تښتول شوي اووه پولیس خوشې کړي دي.
د پولیسو د سرچینو په وینا، له پېښې وروسته سیمهییزو مشرانو سملاسي هڅې پیل کړې او د تښتول شویو سرتېرو د خوشې کېدو لپاره یې له تحریک طالبان پاکستان سره خبرې اترې وکړې، چې وروسته بریالۍ شوې.
سرچینې زیاتوي چې د دغو خبرو اترو په پایله کې ټول یرغمل شوي کسان په خوندي ډول خپلو سیمو ته ورسېدل، خو د خوشې کېدو د هوکړې د شرطونو په اړه جزئیات تر اوسه نه دي څرګند شوي.
د رپوټونو له مخې، د سراروغې د پولیسو افسر احمد شاه د بم شنډولو ډلې سره یوځای پړتګي سیمې ته د چاودېدونکو توکو د شنډولو لپاره تللی و، خو د بېرته ستنېدو پر مهال په بنګي ووله سیمه کې وسلهوالو کسانو وتښتول.
یو شمېر سرچینې وايي، چې پاکستاني طالبانو دغه پولیس د خپلو جنګیالیو د خوشې کېدو په بدل کې خوشي کړي دي، خو رسمي دغه ادعا نه ده تایید شوې.
