سنټکام وایي پر سوداګریزو بېړیو د ایران د برید په غبرګون کې یې پوځي اقدام کړی
د امریکا مرکزي قوماندانۍ (سنټکام) ويلي، چې ځواکونو یې د جون د مياشتې پر ۲۶مه، پر هغې سوداګریزې بېړۍ پر وړاندې چې د هرمز تنګي څخه د تېرېدو په حال کې وه او ایران د خپل برید موخه ګرځولې، په غبرګون کې پر ايران بریدونه کړي دي.
سنټکام پر اېکس خواله رسنۍ کې ویلي، امریکایي الوتکو د ايران د توغندیو او ډرون الوتکو د زېرمو پر ځایونو او ساحلي راډارونو بریدونه وکړل، وروسته له هغه چې ايران د جون پر ۲۵مه د «ایم وي ایور لولي» په نوم بېړۍ په یوې ځانمرګې ډرون الوتکې وویشتله.
د سنټکام له مخې، د سنګاپور په بیرغ سمبال دغه بار وړونکې بېړۍ د ايران د برید پر مهال د عمان ساحل ته څېرمه د هرمز له تنګي څخه د وتلو په حال کې وه. او ايران د ځواکونو له لوري پر سوداګریزو کښتیو دا بېدلیله تېری په ښکاره ډول د اوربند نقض و.
د امریکا مرکزي قوماندانۍ وويل، ځواکونه یې له هرمز تنګي څخه د تېرېدونکو سوداګریزو بېړیو لپاره د خوندي تېرېدو همغږۍ او ملاتړ ته دوام ورکوي.
