د ایران د خبرګان شورا اعلامیه: هر څوک چې نتنیاهو او ټرمپ ته لاسرسی ومومي باید یې ووژني
د ایران خبرګان شورا ۶۶ غړو په یوې اعلامیه کې د ایران او امریکا ترمنځ مذاکراتو ته په اشارې سره وویل: «د رهبرۍ د سرو کرښو رعایتول واجب دي او له هغو څخه سرغړونه په هېڅ ډول روا نه ده». دوی زیاته کړې، هر څوک چې نتنیاهو او ټرمپ ته لاسرسی ومومي باید یې ووژني.
د ایران د خبرګان شورا غړو د امریکا ولسمشر ډونالډ ټرمپ او د اسراییل لومړی وزیر بنیامین نتنیاهو «مهدورالدم» وبلل او زیاته یې کړه: «د هغوی مجازات او د شهید امام د وینې غچ اخیستل په هیڅ ډول د بې پامۍ وړ نه دي او پر هر هغه مکلف چې هغوی ته لاسرسی پیدا کړي، واجب ده چې هغوی ووژني».
د خبرګان شورا د غړو د اعلامیې په بله برخه کې، د لبنان له سویل څخه د اسراییلي ځواکونو نه وتلو ته په اشارې سره ټینګار شوی: «د هرمز تنګي پرانېستل د چارواکو له ژمنو سره په ټکر کې دي او یوه سټراټیژیکه تېروتنه ګڼل کېږي او دښمن به د خپلو ژمنو ماتولو او نقض کولو په دوام کې نور هم زړور کړي».
