جمعیت علمای اسلام: حکومت دې د نړیوال بازار له کمښت سره سم د سون توکو بیې راټیټې کړي

غوري ویلي، حکومت هېڅکله د خلکو د اقتصادي فشار د زیاتولو فرصت له لاسه نه ورکوي او تل د پټرولو شرکتونو ګټې خوندي کوي.

د نوموړي په وینا، د ایران او اسراییل د جګړې له امله دومره زیان چې ایراني ولس نه دی لیدلی، تر هغه ډېر اقتصادي بار د پاکستان پر خلکو اچول شوی دی.

د جمعیت علمای اسلام ویاند پر حکومت نیوکه کړې چې د خلکو د ستونزو په اړه بې‌پروا شوی او د تېلو د نړیوالو بیو د راټیټېدو ګټه یې ولس ته نه ده رسولې.