نتنیاهو: تر هغو به په لبنان کې پاتې شو چې حزبالله وسله پر ځمکه کېږدي
د اسراییل لومړي وزیربنیامین نتنیاهو په یوې ټلوېزیوني وینا کې له لبنان سره د وروستۍ هوکړې په اړه وویل وکړ: «موږ د اسراییل د دولت لپاره یوه تاریخي لاسته راوړنه خپله کړه». هغه همداراز څرګنده کړه، اسراییل به تر هغې په لبنان کې حضور ولري، چې حزبالله خپلې وسلې پر ځمکه کېږدي.
هغه زیاته کړه: «د اسراییل او لبنان ترمنځ د مذاکراتو له یوې اوږدې پروسې وروسته او د متحده ایالاتو په ملاتړ او برکت، موږ د تفاهم یو داسې چوکاټ ته ورسېدو چې موږ ته دا امکان راکوي، چې د جګړې د پای ته رسولو پر لور ګام پورته کړو او په راتلونکي کې ان د دواړو هېوادونو ترمنځ د سولې هوکړې ته ورسېږو».
نتنیاهو څرګنده کړه: «د دغو تفاهمونو په چوکاټ کې، متحده ایالاتو او لبنان د لبنان په خاوره کې د یوه امنیتي کمربند د ساتلو لپاره د اسراییل حق په رسمیت وپېژانده، تر هغه وخته چې دا چاره زموږ د امنیت لپاره اړینه وي».
هغه ټینګار وکړ: «موږ به هلته خپل حضور ته تر هغو دوام ورکړو چې حزبالله او نور ترهګریز سازمانونه خپلې وسلې پر ځمکه کېږدي او د لبنان له لوري د اسراییل پر وړاندې ګواښونه ختم شي».
