د ایران د بهرنیو چارو وزارت: د امریکا تازه بریدونه له هوکړهلیک نه ښکاره سرغړونه ده
د ایران بهرنیو چارو وزارت په یوه اعلامیه کې د امریکا هغه هوايي بریدونه، چې د ایران په سویلي سواحلو کې یې د «څارنې او مراقبت تاسیسات» په نښه کړي، په کلکو ټکو غندلي او دا یې د ملګرو ملتونو د منشور او له امریکا سره د هوکړه لیک له لومړۍ مادې څرګنده سرغړونه بللې ده.
دغه وزارت ویلي، امریکا خپلو ژمنو او تعهداتو ته هېڅ ارزښت نه ورکوي او د تړون ماتول د واشنګټن د سیاست یوه برخه ده.
دا څرګندونې وروسته له هغې شوې چې ایران د امریکا د وروستیو بریدونو په ځواب کې، په بحرین او کویټ کې د امریکا پر یو شمېر پوځي اډو د توغندیو او بېپیلوټه الوتکو بریدونه ترسره کړل.
