د پاکستان پوځ: په کراچۍ کې د برید په تړاو یو افغان تبعه په ټپي حالت کې نیول شوی

ډان ورځپاڼې د سند ايالت د پوليسو د مشر جاوېد عالم اوډهو له قوله د درېېو سرتېرو د وژل کېدو راپور ورکړی او زیاته کړې یې ده، چې دغه پېښه د شنبې په ماښام شاوخوا اته بجې د ګلستان جوهر په سيمه کې هغه مهال رامنځته شوه، چې بریدګرو د یادو ځواکونو پر دروازه موټر بم برید وکړ.

د پاکستان په کراچۍ کې د نيم پوځي ځواک رېنجرز دفتر ته نږدې چاودنه او ډزې شوي | افغانستان انټرنشنل پښتو

خو د پېښې په اړه تر دې دمه چارواکو په رسمي توګه څه نه‌دي ویلي، خو په خواله رسنیو کې د پېښې په اړه بېلابېلې ادعاوې خپرېږي او د وژل شویو سرتېرو شمېر هم ۵ بولي.

د پېښې عيني شاهدانو ويلي، په لومړي سر کې زوروه چاودنه وشوه او بيا ورپسې شاوخوا ۲ ساعته ډزې هم روانې وې.

د چارواکو په وینا، له پېښې وروسته په سیمه کې کلک امنیتي تدابیر نيول شوي او د قانون پلي کونکي ادارې هم سیمې ته رسېدلې دي.

د جماعت الاحرار په نوم یوې ډلې ادعا کړې چې دا برید دوی کړی دی او د ډلې څلورو غړو په‌کې برخه اخېستې وه.

جماعت الاحرار ډله په ۲۰۱۴م کال کې د پاکستاني طالبانو له تحريک څخه په جلا کېدو جوړه شوې، خو په ۲۰۲۰م کال کې ورسره بیا يو ځای شوې او بيا په ۲۰۲۲م کې د دغې ډلې د پخواني مشر عمر خالد خراساني له وژنې وروسته د دواړو ډلو ترمنځ د اختلافاتو د بیا راټوکېدو ويل شوي او په دې وروستيو کې د جماعت الاحرار او پاکستاني طالبانو د تحریک ترمنځ د نښتو راپورونه هم ورکړل شوي دی.

د پاکستان حکومت د ۲۰۱۶م کال د نومبر په مياشت کې جماعت الاحرار ناقانونه ډله اعلان کړې ده.

د خيبر پښتونخوا د اسمبلۍ او عوامي نشنل ګوند غړي د شنبې په ورځ (د چنګاښ ۶مه) د اسمبلۍ غونډې ته په خپله وينا کې وويل: «موږ دا په دلایلو ثابتولی شو چې پنجاب پاکستان دی او پاکستان پنجاب او دا هېواد یوازې پنجاب خوړلی دی».

نوموړي په پنجاب ايالت کې د یوې نوې لویې لارې پروژې ته په اشارې سره وويل، «پر نوې اېم-۱۳ کهاریان-راولپنډۍ موټروې او د پنجاب پر بنسټیزو پروژو میلیارډونه روپۍ لګول کېږي، په داسې حال کې چې خیبر پښتونخوا او بلوچستان نن هم له بنسټیزو اړیکو، خرابو سړکونو او اقتصادي ستونزو سره مخ دي».

نثار باز په قبايلي ولسوالیو کې ستونزو ته په نغوتې سره زياته کړه، کله قبايلي سيمې په ايالت کې ورګډول کېدل، نو له دغه سيمې سره هر کال د ۱۰۰ میلیارده روپیو ورکولو ژمنه شوې وه، چې تر اوسه نه ده پوره شوې او په باجوړ کې په ۲۰۰۸م کال کې د ترهګرۍ پر ضد جګړې پر مهال ويجاړ شوي سړکونه لا هم په خپل پخواني حالت کې دي.

هغه په قبايلي سيمو کې د امنیت په اړه پوښتنې راپورته کړې: «۳۰۰۰ میلیارده روپۍ پر دفاع لګول کېږي، خو له دې سره سره موږ نن هم ناامنه یو. په باجوړ کې نن هم ډرون بریدونه کېږي. زموږ سړکونه نن هم ویجاړ دي او د پردیو جګړو له امله بند دي، چې کله پوښتنه وشي نو د وسله والۍ پلمه جوړیږي. ۲۵ کاله تېر شول، دومره عملیات وشول، خو پایله یې څه شوه»؟

نثار باز په قبايلي ولسوالیو او ملاکنډ ډويژن کې د مالياتو د نفاذ مخالفت څرګند کړ او ویې ويل، ګوند به یې پر دې ظلم چوپ پاتې نه‌شي او «موږ به د دې پر ضد پیاوړی غږ پورته کړو».

په بلوچستان کې د ناورینونو مدیریت ادارې د شنبې په ورځ (د چنګاښ ۶مه) د یوې خبرپاڼې په خپرولو سره ویلي، د ترلاسه شویو لومړنیو معلوماتو له‌مخې، د جمعې او شنبې په ورځ کې د یادې ولسوالۍ په کنګري سيمه کې د دوو زلزلو په پایله کې څه باندې سلو کورونو ته زیان رسېدلی او یو شمېر کسان ټپیان شوي دي.

د دغې ادارې د لومړنۍ ګډې ارزونې له مخې: «د دواړو زلزلو په پایله کې په ټولیزه توګه له ۱۱۰ څخه تر ۱۲۵ پورې کورونه په جزيي توګه زیانمن شوي او له ۱۸ څخه تر ۱۹ پورې کسان ټپیان شوي دي. تر اوسه پورې د کوم ځاني زیان راپور نه‌دی ترلاسه شوی».

په خبرپاڼه کې زياته شوې، د ولسوالۍ ادارې له اغېزمنو کسانو سره د سمدستي مرستو چارې پیل کړې دي.

په خېبرپښتونخوا کې د ناورینونو مدیریت ادارې هم ویلي، د شنبې په ورځ د دغه ایالت په شانګله، سوات او نږدې نورو ولسواليو کې هم زلزله شوې، خو تر اوسه د کوم زیان راپور نه دی ترلاسه شوی.

د جون مياشتې په ۲۲مه د بلوچستان د ترهګرۍ ضد یوې محکمې د بلوڅانو د یووالي غورځنګ مشرې ماهرنګ بلوڅ ته د «اېف‌سي» د یوه سرتېري د وژنې اړوند قضیه کې د عمري بند سزا واوروله.

ماهرنګ بلوچ: په بند کې کتابونو زما د مبارزې باور لا پیاوړی کړی | افغانستان انټرنشنل پښتو

ملالې يوسفزۍ د شنبې په ورځ (د چنګاښ ۶مه) په خپله اېکس‌پاڼه وويل: «د بلوڅانو د کورنيو نارینه غړي په پرله پسې ډول نیول شوي او په زوره ورک کړل شوي دي. دوی د داسې ژوند مستحق دي چې هر څوک یې مستحق وي».

يوسفزۍ زیاته کړه: «زه په پاکستان کې د خپلو هغو خوېندو تر څنګ ولاړه یم چې له ځورونې او ناوړه چلند سره مخ دي او د غږ پورته کولو له امله زنداني کېږي».

يوسفزۍ په پاکستان کې د ځینو مېرمنو پر وړاندې دغه ډول چلند ته په اشارې وويل: «دا کومه نوې خبره نه‌ده؛ زموږ په تاریخ کې د عاصمه جهانګیر، فریده شهید، خاور ممتاز، حنا جېلاني او ان فاطمې جناح (د پاکستان د باني قايداعظم خور) په څېر ښځو د غږ پورته کولو له امله له کړاوونو او ځورونو سره مخ شوې دي».

هغې همداراز وويل، چې د ترهګرۍ ضد محکمه د جبري ورکېدو د وحشت د خپرولو پر ځای، هغه کسان په نښه کوي، چې د ظلم پر وړاندې غږ پورته کوي او زیاته یې کړه، ماهرنګ او د هغې ملګري فعالان باید خوشې شي.

د پېښې عيني شاهدانو ويلي، په لومړي سر کې یادې ودانۍ ته څېرمه زوروه چاودنه وشوه او بيا ورسره جوخت ډزې هم پیل شوې او شاوخوا دوه ساعته یې دوام وکړي.

د چارواکو په وینا، له پېښې وروسته په سیمه کې کلک امنیتي تدابیر نيول شوي او د قانون پلي کونکي ادارې هم سیمې ته رسېدلې دي.

د ژغورنې ادارې ۱۱۲۲ د ویاند په وینا، د ژغورنې ډلې هم د پېښې ځای ته استول شوي دي.

د سند حکومتي ویاند هم ویلي، د سند اعلی وزیر مراد علي شاه له پولیسو څخه د پېښې په اړه د تفصیلي راپور غوښتنه کړې ده.

د جماعت الاحرار په نوم یوې ډلې ادعا کړې، چې دا برید دوی کړی دی. د پاکستان حکومت دغه ډله د ۲۰۱۶م کال پع نومبر په مياشت کې ناقانونه اعلان کړې وه.
لا تر اوسه د احتمالي اوښتې مرګ‌ژوبلې په تړاو څه نه‌دي ویل شوي.