هند په کراچۍ کې د وروستي برید په تړاو د پاکستان تورونه رد کړل
د هند د بهرنیو چارو وزارت د پاکستان هغه ادعاوې بېبنسټه بللې او رد کړې یې دي چې ګواکې نوی ډیلی د کراچۍ په وروستۍ پېښه کې لاس لري. د دغه وزارت ویاند له اسلاماباده غوښتي چې د نورو ملامتولو پر ځای په خپله خاوره کې د ترهګرۍ د ځالو پر وړاندې رښتیني ګامونه پورته کړي.
د هند د بهرنیو چارو وزارت ویاندرندیر جېسوال د پاکستان د وروستیو ادعاوو په غبرګون کې ویلي: «موږ هغه راپورونه لیدلي چې په کراچۍ کې د وروستۍ پېښې په تړاو پاکستان پر هند بېبنسټه تورونه لګوي. موږ دا تورونه په کلکه او په بشپړ ډول ردوو.»
نوموړي زیاته کړې، پاکستان ته په کار ده چې د نورو په لور د ګوتې نیولو پر ځای، په خپله خاوره کې د ترهګرۍ د بنسټونو او زیربناوو پر وړاندې د باور وړ ګامونه پورته کړي.
پاکستاني چارواکو دغه راز ویلي، چې په دې پېښه کې یو ښکیل ټپي افغان یې نیولی دی.
طالبانو او په کراچۍ کې ددې ډلې کونسلګرۍ تراوسه ددغه افغان د نیول کېدو په اړه څه نه دي ویلي.
