طالبان وایي کابل کې یې د غلو ۱۱ کسیزه ډله نیولې
کابل کې د طالبانو امنیې قوماندانۍ خبر ورکړی، چې د دغه ښار په لسمه امنیتي حوزه کې یې د غلو ۱۱ کسیزه ډله نیولې چې د خلکو له جیبونو به یې پیسې غلا کولې.
کابل کې د طالبانو امنیې قوماندانۍ خبر ورکړی، چې د دغه ښار په لسمه امنیتي حوزه کې یې د غلو ۱۱ کسیزه ډله نیولې چې د خلکو له جیبونو به یې پیسې غلا کولې.
د لسمې امنیتي حوزې د کشف امر محمد جاوید الماس غازي، وایي دغه ډله د کابل په بېلابېلو سیمو کې فعاله وه او له خلکو به یې پیسې غلا کولې.
نوموړی زیاتوي چې له دې ډلې څخه اته عرادې موټر هم ترلاسه شوي، چې په وینا یې غلو به له همدې موټرو څخه د خلکو د لېږد لپاره ګټه اخیسته او په لاره کې به یې د مسافرو له جیبونو پیسې ایستلې.
د امنیې قوماندانۍ په وینا، نیول شویو کسانو په خپلو جرمونو اعتراف کړی او د ډلې له مشر سره یو ځای یې دوسیې د نورو څېړنو لپاره عدلي او قضایي ارګانونو ته سپارل شوې دي.
