بقايي: په راتلونکو ورځو کې له امریکايي لوري سره د لیدنې پلان نه لرو
د ایران د بهرنیو چارو وزارت ویاند اسماعیل بقايي وايي، تهران په راتلونکو ورځو کې له امریکايي لوري سره په هېڅ کچه د لیدنې پلان نه لري. بقايي د سېشنبې په ورځ په یوې خبري غونډه کې وویل، چې په لبنان کې د جګړې پای ته رسول د امریکا ژمنه ده او واشنګټن باید اسراییل هم دې کار ته اړ کړي.
هغه زیاته کړه، ایران د امریکايي لوري سره د راتلونکو ورځو لپاره د خبرو یا لیدنې کوم پروګرام نه لري.
د ایران د بهرنیو چارو وزارت ویاند همداراز وویل، د چهارشنبې په ورځ به په دوحه کې له قطري چارواکو سره د تفاهملیک د مادو او د کنګل شویو شتمنیو د ازادېدو په اړه غونډه ولري.
بقايي په دې اړه نور جزییات ورنه کړل.
