احمد سهیل جعفري به د اتلولۍ کمربند لپاره له پاکستاني سیال سره مخ شي

د انفینېټ اتلولۍ سازمان د اعلان له مخې؛ عظیم خان چې د ۱۵ بریاوو او ۳ ماتو ریکارډ لري، له احمد سهیل جعفري سره مخ کېږي، چې تراوسه یې په خپل ریکارډ کې ۱۲ بریاوې او یوازې ۲ ماتې ثبت کړې دي.
د دغه سیالۍ تنظیموونکو یاده لوبه د اتلولۍ لوبه بللې ده؛ د افغانستان او پاکستان د دوو تکړه لوبغاړو ترمنځ لوبه چې دواړه به د شوکیا په سیالیو کې په زړه پورې کړنو سره د دغه سازمان په تاریخ کې د ځان ثبتولو لپاره مبارزه وکړي.
د انفینېټ سازمان د دغه په زړه پورې لوبې په اړه لیکلي، عظیم خان د پاکستان یو له مخکښو شخصیتونو ګڼل کېږي او د کلونو سخت کار، نظم او په لوړه کچه سیالیو کې د بریالي ګډون له لارې یې دغه مقام ترلاسه کړی دی. په مقابل کې د رزمي هنرونو افغان لوبغاړی احمد سهیل جعفري له خپل غوره استعداد سره به د سازمان د لومړۍ اتلولۍ کمربند ګټلو لپاره د لوبو ډګر ته ښکته شي.
دواړه لوبغاړو په ټولیزه توګه ۳۲ سیالۍ کړې، چې ۲۷ یې ګټلې او یوازې ۵ یې بایللې دي؛ شمېرې ښیي چې دغه لوبه به د رزمي هنرونو په برخه کې یوه له خورا متوازن او حساسو سیالیو څخه وي.