د چین د بهرنیو چارو وزیر: د واشنګټن او تهران ترمنځ اوسنی اوربند لا هم نازک او ماتېدونکی دی
د چین دولتي خبري اژانس «شینهوا» راپور ورکړی چې د دغه هېواد د بهرنیو چارو وزیر وانګ یي له خپل سعودي سیال سره په ټلیفوني خبرو کې ټینګار کړی، چې بېجینګ د واشنګټن او تهران ترمنځ د خبرو اترو د بهیر د دوام ملاتړ کوي.
وانګ یي ویلي، اوسنی اوربند لا هم نازک او ماتېدونکی دی، خو زیاته کړې یې ده چې خبرې اترې له شخړې غوره دي او مذاکره له تقابل څخه غوره لار ده.
