پاکستان او هند د خپلو ۶۸۹ تنو بندیانو نوملړونه سره تبادله کړل
اسلام اباد او نوي ډیلي له یو بل سره د خپلو بندیانو لېستونه تبادله کړي دي. پاکستان هند ته د ۲۵۰ هندي بندیانو نوملړ سپارلی او هند پاکستان ته د ۴۳۹ پاکستاني بندیانو نوملړ سپارلی دی.
د پاکستان د بهرنیو چارو وزرات ویلي، د حکومت له خوا په سپارل شوي نوملړ کې ۲۵۰ هندي بندیان شامل دي، چې ۵۲ یې ملکي بندیان او ۱۹۸ یې کب نیوونکي دي.
په ورته وخت کې، د هند له خوا په سپارل شوي نوملړ کې ۴۳۹ پاکستانیان دي. په دې ډله کې ۳۸۶ ملکي بندیان او ۵۳ کب نیوونکي شامل دي.
د پاکستان او هند ترمنځ د ۲۰۰۸ کال د مې په ۲۱مه د کونسلګرۍ د لاسرسي له دوهاړخیز تړون سره سم، دواړه هېوادونه مکلف دي چې هر کال د جنورۍ په لومړۍ او د جولای په لومړۍ نېټه د یو بل په بند کې د خپلو بندیانو نوملړونه تبادله کړي.
