سپاه پاسداران: د خامنهیي د جنازې مراسمو پرمهال هر ډول تېروتنه به له پیاوړي ځواب سره مخ شي
سپاه پاسداران د جمعې په ورځ (د چنګاښ ۱۲مه) د علي خامنهیي د جنازې مراسمو په مناسبت په یوه بیان کې لیکلي: «د دښمن لهخوا هر ډول تېروتنه به تر بل هر وخت له پرېکنده او پیاوړي ځواب سره مخ شي».
په بیان کې راغلي، چې دوی له نورو وسلهوالو ځواکونو سره یوځای او د مجتبی خامنهیي تر قوماندې لاندې په بشپړ جنګي چمتووالي کې دي. سپاه پاسداران زیاته کړې: «دغه چمتووالی یوازې یوه پوځي ننداره نهده؛ بلکې د هر ډول ظلم او تېري په وړاندې یو ویښ او غچ اخیستونکی اقدام دی».
سپاه پاسداران دارنګه د ایران حکومت له ملاتړو وغوښتل، چې د خامنهیي د جنازې او ښخولو مراسمو کې ګډون وکړي. د ایران مخکېنی مشر شاوخوا څلور میاشتې مخکې د امریکا او اسراییل په ګډو هوايي بریدونو کې په نښه او ووژل شو. ایراني رسنیو خبر ورکړی، چې د نوموړي د جنازې مراسم به د راتلونکې اوونۍ له شبنې ورځې پیل شي.
