سرچینو افغانستان انټرنشنل - پښتو ته ویلي، چې د غزني د واغظ ولسوالۍ اړوند په ګوډلو سیمه کې تېره شپه (پنجشنبه د چنګاښ ۱۱مه) شاوخوا دولس بجې ناپېژاندو وسلهوالو د خالد مسعود په نوم د ټيټيپي یو قوماندان په ډزو وژلی دی. طالبانو لا تراوسه په دې تړاو څه نهدي ویلي.
سرچینو زیاته کړې، چې نوموړی په سیمه کې د ټيټيپي له یوه ځايي کمپ څخه د وتو پر مهال هدف ګرځول شوی او وسلهوال له برید وروسته له سیمې څخه پر تېښتې بریالي شوي دي.
سرچینې له افغانستان انټرنشنل - پښتو سره د ټيټيپي د یاد قوماندان د مړي یو انځور هم شریک کړی دی.
په تېره اونۍ کې د ټيټيپي یوه بل غړی په کندهار کې د ناڅرګندو وسلهوالو موټرسایکل سپرو له لوري په ډزو وژل شوی وو، خو طالبانو تر اوسه د دغو دواړو پېښو په تړاو څه نهدي ویلي.
پاکستان په وار وار افغان طالبان د ټيټيپي غړو ته په پر پناه ورکړې تورن کړي، خو طالبانو بیا دغه تور په کله رد کړی او څرګنده کړې یې ده، چې په افغانستان کې هېڅ ترهګره ډله نهشته او ټيټيپي یې د پاکستان کورنۍ مسئله بللې ده.
