د افغانستان د بدن ښکلا ملي لوبغاړو د سویلي اسیا د بدن ښکلا ۱۶م پړاو سیالیو په لومړۍ ورځ یو د سرو زرو، دوه د سپینو زرو او یو د برونزو مډال په ګټلو سره په دغه سیالیو کې بریالی مزل پیل کړ.
د افغانستان د بدن ښکلا فدراسیون ویلي، چې ملي لوبغاړو د سیالیو په لومړۍ ورځ خورا ښه او ځلانده فعالیت ترسره کړ. په دغه سیالیو کې د افغانستان د بدن ښکلا ۱۸ لوبغاړو ګډون کړی.
دغه سیالۍ د ۱۴۰۵کال د چنګاښ له ۹مې تر ۱۳مې نېټې پورې د بوتان په کوربهتوب ترسره کېږي. د فدراسیون د خبر له مخې؛ له دې ډلې میوند بابکرخېل د سرو زرو مډال وګاټه. همدارنګه ریاض رحمان احسان د ۲۱ کلنو ځوانانو په کټګورۍ کې د سپینو زرو مډال خپل کړ.
همدا راز احمد حبیبي د ۷۰ کیلو ګرامه وزن په کټګورۍ کې د افغانستان لپاره د سپینو زرو مډال وګاټه او بلال جلیلي د اتلېټیک فزیک د ۱۶۷ سانتيمتره قد په کټګورۍ کې د برونزو مډال ترلاسه کړ.
