د اسراییل سفیر: د خامنهيي پر مړینه خواخوږي د یوه ظالم دیکتاتور ننګه ده
په ملګرو ملتونو کې د اسراییل استازي دني دانون د ملګرو ملتونو د سرمنشي انتونیو ګوتېرش پر څرګندونو نیوکه کړې او ویلي یې دي چې د علي خامنهيي پر مړینه خواخوږي ښودل د «یوه ظالم دیکتاتور لپاره ماتم» کول دي.
دانون پر اېکس پاڼه لیکلي، ایا د داسې کس لپاره همدردي او ماتم مناسب دی چې د ده په وینا، «د لسګونو زرو بې ګناه ایرانیانو د وژنې، شکنجې او ځورونې امرونه یې ورکړي دي؟».
نوموړي دا څرګندونې وروسته له هغه وکړې چې ګوتېرش د علي خامنهيي د مړینې په اړه غبرګون وښود.
دني دانون ویلي، نړیوال سازمانونه باید د هغو کسانو د قربانیانو تر څنګ ودرېږي چې د ایران د حکومت د ځپونکو سیاستونو له امله زیانمن شوي دي، نه دا چې د دغه حکومت د مشرانو لپاره د خواخوږۍ څرګندونې وکړي.
