د بلوچستان ګوادر کې د ساحلي ځواکونو پر پوستې په ځانمرګي برید کې ۴ پاکستاني سرتيري وژل شوي

د عوامي نشنل ګوند د پښتونخوا ایالت عمومي سکرټر حسين شاه يوسفزي په يوه بيان کې ويلي، په توره شپه کې د بې‌وسلې او بې‌ګناه وګړو، په ځانګړې توګه د ماشومانو په نښه کول تر ټولو بده «بزدلي» او د نه منلو وړ عمل دی.

هغه زياته کړې: «په تېره یوه اونۍ کې دا درېیم ډرون برید دی، چې عام خلک په‌کې په نښه کېږي. د پرله پسې پېښو پر وړاندې د فدرالي او ایالتي حکومت چوپتیا خورا معنا لرونکې او د اندېښنې وړ ده. تر نن ورځې پورې دا معلومه نه‌شوه، چې دا ډرون له کوم ځایه راځي او څوک یې کنټرولوي».

يوسفزي د پوښتنې په توګه مطرح کړې: «که دا ډرون د ترهګرو وي نو د مخنیوي مسوولیت یې د چا دی؟ او که دا د دولتي ادارو وي نو د بې‌ګناه وګړو د په نښه کولو څه جواز دی. ورځني ډرون بریدونه د حکومتونو او اړوندو امنیتي ادارو ناکامي ده. خلک په دوامداره توګه مړي پورته کوي خو مسوولې ادارې د نندارچیانو په څېر ناستې دي».

هغه د تحريک انصاف ګوند د خيبرپښتونخوا پر حکومت هم نيوکې وکړې او زياته یې کړه: «په تېر وخت کې د ډرون بریدونو پر وړاندې د اعتراض ډرامې کوونکي نن چېرته دي؟ نن چې معصوم خلک په نښه کېږي، دا خلک تماشا کوي. د هغو واکمنانو سترګې ولې نن دا ظلم نه ویني چې له ۱۳ کلونو راهیسې پر ایالت مسلط دي».

نوموړي په پښتونخوا کې د ډرون بریدونو او ملکي مېشت ځایونو د په نښه کولو د لړۍ د درولو غوښتنه کړې او له اغېزمنو کورنیو سره یې پر مرستو ټينګار کړی دی.

د باجوړ د خار په شينکوټ سيمه کې پرون (پنجشنبه د چنګاښ ۱۱مه) پر يوه کور د ترسره شوي ياد ډرون په برید کې درې ماشومان وژل شوي او ۷ نور ټپیان شوي دي.

د ایران چارواکو د علي خامنه‌یي د جنازې او خاورو ته د سپارلو لپاره د يوې اونۍ مراسم پلان کړي دي. ټاکل شوې، چې د هغه مړی له تهران وروسته قُم، نجف او کربلا ته ولېږدول شي او په پای کې د راتلونکې پنجشنبې په ورځ د مشهد ښار د امام رضا د زيارت ترڅنګ خاورو ته وسپارل شي.

د ايران د رسنيو خپاره شوي انځورونه او ويډيوګانې ښيي، چې په دغو مراسمو کې د ايران لوړپوړي چارواکي، لکه ولسمشر مسعود پزشکيان، د اسلامي شورا د مجلس رييس محمدباقر قاليباف او د سپاه پاسداران نوی قوماندان احمد وحيدي حاضر وو. خو د اسلامي جمهوريت رهبر مجتبی خامنه‌یي په‌کې ونه ليدل شو او د هغه نه ګډون د رسنيو او ټولنيزو شبکو د کاروونکو پام ځان ته اړولی دی. د ايران حکومت تر اوسه د هغه د نه ګډون په اړه په رسمي توګه څه سپیناوی نه‌دی کړی.

تر دې وړاندې، په هند کې د اسلامي جمهوريت د رهبر استازي حکيم الهي ويلي وو، چې مجتبی خامنه‌یي به د امنيتي اندېښنو له امله د خپل پلار د جنازې په مراسمو کې ګډون ونه کړي.

له دې سره سم، د تېر کال په کب مياشت کې پر ایران د امريکا او اسراییل د بريدونو پر مهال د علي خامنه‌یي له وژل کېدو وروسته داسې راپورونه هم خپاره شوي وو چې مجتبی خامنه‌یي ټپي شوی دی.

سي‌اېن‌اېن تر دې وړاندې د امريکايي استخباراتي سرچينو په حواله راپور ورکړی وو، چې مجتبی خامنه‌یي د بدن د يوې برخې د سوځېدو له امله، چې مخ، لاس، د سينې برخه او پښه يې زيانمنه کړې، په انزوا کې تر درملنې لاندې دی.

د امريکا ولسمشر ډونالډ ټرمپ هم مخکې ويلي وو، لا هم روښانه نه ده چې د اسلامي جمهوريت نوی رهبر مجتبی خامنه‌یي، ژوندی دی که نه.

مجتبی خامنه‌یي له هغه وخت راهيسې تر اوسه په عام محضر کې نه دی راڅرګند شوی او د هغه هېڅ تازه انځور يا ويډيو هم نه ده خپره شوې.

د علي خامنه‌یي او د هغه د کورنۍ د نورو وژل شويو غړو د رسمي مخه ښي مراسم د جمعې په سهار د تهران د امام خميني په مصلی کې د يو شمېر بهرنيو شخصيتونو په ګډون پيل شول.

په دغو مراسمو کې د طالبانو مخالف مشر احمد مسعود او محمد محقق هم ګډون کړی وو. همدارنګه د طالبانو د اقتصادي چارو مرستيال ملا عبدالغني برادر او د بهرنيو چارو وزير اميرخان متقي هم په دې مراسمو کې حاضر وو.

د نتنیاهو دفتر د جمعې په ورځ (د چنګاښ ۱۲مه) په همدې تړاو په خپره کړې اعلامیه کې ویلي، دا راپور «په بشپړ ډول جوړ شوی او له واقعیت سره په ټکر کې» دی او همداراز یې هغه «جعلي خبر» بللی دی.

نیویارک ټایمز تر دې مخکې راپور ورکړی وو، چې امریکايي چارواکو د روان میلادي کال په لومړیو کې د ایران او امریکا ترمنځ د غیرمستقیمو خبرو پر مهال عباس عراقچي او محمدباقر قالیباف ته خبرداری ورکړی وو، چې ښايي اسراییل د هغوی د وژلو هڅه وکړي.

د اسراییل د لومړي وزیر دفتر د دې راپور ټولې ادعاوې رد کړي او ټینګار یې کړی، چې د نیویارک ټایمز خپور شوی راپور له حقیقت سره سمون نه‌لري.

ایران الاصله بریتانوی خبریال او د ایران انټرنشنل ټلوېزیون کارکوونکی پوریا زراعتي د ۲۰۲۴ کال د مارچ په میاشت کې د لندن په سويل لوېدیځ کې خپل کور ته نږدې درې ځله په پښه په چړه وهل شوی و. پولیسو د قضیې په تړاو دوه رومانیایي وګړي ونیول.

۲۱ کلن ناندیتو بادیا او ۲۵ کلن جورج ستانا د قصدي ټپي کولو تورونه رد کړي وو، خو د لندن د وولویچ کراون محکمې د جون په میاشت کې دواړه مجرم وپېژندل.

د لندن د وولویچ کراون محکمې د جمعې په ورځ ناندیتو بادیا په اته کاله او جورج ستانا په ۱۲ کاله بند محکوم کړل.

څارنوالانو ویلي، دواړو د ایران د حکومت د نیابتي کسانو په توګه عمل کړی، خو د ایران حکومت له مخکې دا تورونه رد کړي دي.

دانون پر اېکس پاڼه لیکلي، ایا د داسې کس لپاره همدردي او ماتم مناسب دی چې د ده په وینا، «د لسګونو زرو بې ګناه ایرانیانو د وژنې، شکنجې او ځورونې امرونه یې ورکړي دي؟».

نوموړي دا څرګندونې وروسته له هغه وکړې چې ګوتېرش د علي خامنه‌يي د مړینې په اړه غبرګون وښود.

دني دانون ویلي، نړیوال سازمانونه باید د هغو کسانو د قربانیانو تر څنګ ودرېږي چې د ایران د حکومت د ځپونکو سیاستونو له امله زیانمن شوي دي، نه دا چې د دغه حکومت د مشرانو لپاره د خواخوږۍ څرګندونې وکړي.