امریکايي ځواکونه د داعش ضد عملیاتو له بشپړېدو وروسته له نایجیریا څخه ووتل
د امریکا د افریقا قوماندانۍ (AFRICOM) مشر ویلي، امریکا د داعش ضد ګډو عملیاتو له بشپړېدو وروسته خپل ډېری ځواکونه له نایجیریا څخه ایستلي دي. هغه زیاته کړې چې اوس د ابوجا په غوښتنه، واشنګټن یوازې د استخباراتي معلوماتو د شریکولو له لارې له دغه هېواد سره همکاري کوي.
د افریکوم قوماندان جنرال ډاګوېن انډرسن ویلي، د مې میاشتې په ګډو عملیاتو کې د داعش نړیوال دویم لوړپوړی قوماندان ابو بلال المنوکي وژل شوی. د نوموړي په وینا، له عملیاتو وروسته امریکا خپل ډېری هغه سرتېري بېرته له نایجریا ایستلي چې یوازې د همدې ماموریت لپاره نایجریا ته استول شوي وو، خو د استخباراتي معلوماتو د شریکولو همکاري لا هم روانه ده.
انډرسن ویلي، دغو عملیاتو د داعش د مشرتابه، مخابراتي او عملیاتي شبکو ته د پام وړ زیان رسولی او اغېزې یې د لوېدیځې افریقا له پولې هم اوښتې دي.
امریکا د ۲۰۲۶ کال د فبرورۍ له میاشتې راهیسې، د نایجریا په غوښتنه د داعش او نورو وسلهوالو ډلو پر ضد د روزنې، تخنیکي مرستې او استخباراتي همکارۍ لپاره په دغه هیواد کې محدود پوځي حضور درلود.
