عبدالسلام حنفي د څرخي پله له بندیانو سره پر ښه چلند ټینګار وکړ

د ایران د بشري حقونو سازمان د چنګاښ په ۱۳مه لیکلي، میرویس خلیل‌زادي او ابراهیم احمدشاهی د شیراز په زندان او نورجلال مجاهد د یزد په مرکزي زندان کې اعدام شوي دي. د دغه سازمان په وینا، ۲۷ کلن نورجلال مجاهد د بادغیس د قلعه‌نو، ۵۵ کلن میرویس خلیل‌زادي د جلال‌اباد او شاوخوا ۴۰ کلن ابراهیم احمدشاهي د خوست ولایت اوسېدونکي وو.

د ترلاسه شویو معلوماتو له مخې، نورجلال مجاهد او میرویس خلیل‌زادي دوه کاله وړاندې په جلا جلا قضیو کې د نشه‌يي توکو د قاچاق په تور نیول شوي او په اعدام محکوم شوي وو. ابراهیم احمدشاهي هم یو کال مخکې په ورته تور نیول شوی او د ایران د انقلابي محکمې له لوري د اعدام حکم پرې شوی و.

د راپورونو له‌مخې، له دغو افغانانو سره هم‌مهاله د یزد په مرکزي زندان کې څلور ایراني بندیان هم د قصدي قتل او نشه‌يي توکو د جرمونو په تور اعدام شوي دي. د بشري حقونو سازمان ویلي، په اعدام شویو ایرانیانو کې دوه تنه د ایران بلوڅ وګړي وو. د ایران رسمي سرچینو او چارواکو تر اوسه د دغو اعدامونو خبر په رسمي ډول نه دی تایید کړی.

تر دې وړاندې د غبرګولي په ۶مه هم ایران یو بل ۷۰ کلن افغان زندانی د همایون نورزي په نوم د زابل په ولایت کې اعدام کړی و. نوموړی د کندوز اوسېدونکی و او اووه میاشتې مخکې په میلک بندر کې د نشه‌يي توکو د لېږد په تور نیول شوی و.

د طالبانو د ننګرهار امنیه قوماندانۍ نن شنبه، د جنګاښ پر ۱۳مه د یوې خبرپاڼې په خپرولو سره لیکلي، چې دغه پېښه ددې ولایت چپرهار ولسوالۍ په هاشه‌خېلو سیمه کې رامنځته شوې ده.

په خبرپاڼه کې راغلي چې وژل شوی کس د چپرهار ولسوالۍ د قراول قوماندان و، چې په رخصتۍ خپل کور ته تللی و او هلته د خپل ورور له لوري په ډزو وژل شوی دی.

طالبانو ویلي، نیول شوی کس له عصبي ناروغۍ سره مخ و.

د طالبانو امنیتي چارواکو ویلي دي چې د پېښې د اصلي انګېزې او نورو اړوندو جزییاتو په اړه څېړنې او پلټنې په جدي توګه روانې دي.

د ننګرهار د امنیه قوماندانۍ زیاته کړې، چې تورن کس به له لومړنیو قانوني اجراتو او بشپړو څېړنو وروسته د پرېکړې لپاره عدلي او قضایي ارګانونو ته وسپارل شي.

د دغه وزارت د اطلاعاتو او عامه اړیکو رییس، حافظ ضیااحمد تکل، ویلي چې د طالبانو د پلاوي مشري د وزارت درېیم سیاسي رییس ډاکټر عبدالحي قانت، او د روسیې د پلاوي مشري د روسیې د بهرنیو چارو وزارت د اسیا د دویمې ادارې رییس، الکسي پاولوفسکي کوله.

د طالبانو د بهرنیو چارو وزارت په وینا، په دې ناسته کې د کابل او مسکو ترمنځ د دوه اړخیزو اړیکو د پراختیا، د سیمې او نړۍ د وروستیو سیاسي تحولاتو، سیمه‌ییز امنیت، ثبات او ګډو ګټو په اړه خبرې شوې دي.

د وزارت په خبره، دواړو لوریو د اقتصادي همکاریو د پراختیا، د سوداګرۍ د کچې لوړولو، د پانګونې فرصتونو او د ټرانسپورټي او ټرانزیټي دهلېزونو په برخه کې د عملي همکاریو پر پراخولو ټینګار کړی دی.

د طالبانو د بهرنیو چارو وزارت زیاته کړې چې دواړو خواوو د سیمه‌ییزو او نړیوالو سازمانونو په چوکاټ کې د همکاریو، سیمه‌ییز اتصال او د منظم سیاسي تفاهم د دوام لپاره هم هوکړه کړې ده.

 د سرچینې په وینا، دغه چاودنه کې څوک مړه شوي ندي خو ټپیان د درملنې لپاره د علي‌اباد روغتون ته لېږدول شوي او روغتیايي وضعیت یې د ډاډ وړ بللی.

دا په داسې حال کې ده چې تېره شپه له کابل څخه عیني شاهدانو افغانستان انټرنشنل- پښتو ته ویلي و، چې د جمعې په شپه شاوخوا اته بجې د کابل پوهنتون په لیليه کې چاودنه شوې ده. سرچینو د دغې چاودنې ډول لاسي بم ښودلی و.

سرچینې ویلي وو چې له چاودنې وروسته طالبانو له زده کړیالانو په کلکه غوښتي وو چې د باندې ونه لیدل شي.

همداراز هغو ویډیوګانو کې چې له پېښې لږ وروسته خپرې شوې وې، د پوهنتون د لیلیې شاوخوا یې څو امبولانسونه ښودل چې ټپیان یې لېږدول.

 طالبانو تر اوسه د یادې چاودنې په اړه څه ندي ویلي.

 د د طالبانو د بهرنیو چارو وزارت په خپره کړې خبر پاڼه کې ویلي چې په دې کتنه کې د دواړو هېوادونو ترمنځ د دوه اړخیزو اړیکو د پراختیا، په ځانګړې توګه د سوداګریزو او اقتصادي اړیکو د ودې پر لارو چارو خبرې شوې دي.

دخبرپاڼې له مخې، متقي د افغانستان او بنګله‌دېش ترمنځ د سوداګرۍ موجود ظرفیتونه مهم بللي او ټینګار یې کړی چې باید له دې فرصتونو څخه د دواړو هېوادونو د اقتصادي پرمختګ لپاره ګټه واخیستل شي.

بلخوا، د بنګله‌دېش د پارلمان ریس د دواړو هېوادونو اړیکې تاریخي بللې او ویلي یې دي چې د افغانستان د اقتصادي بیا رغونې ترڅنګ د سوداګریزو اړیکو پراختیا د دواړو هېوادونو لپاره مهم او ګټور فرصت دی.