د ټرمپ او نتنیاهو د لیدنې په تړاو؛ ټرمپ ویلي نتنیاهو پوهېږي چې «رییس» څوک دی
د امریکا ولسمشر ډونالډ ټرمپ د شنبې په ورځ (د چنګاښ ۱۳مه) اکسیوس خبري وېبپاڼې ته وویل، چې د اسراییل لومړي وزیر بنیامین نتنیاهو له ده څخه په سپینه ماڼۍ کې د لیدنې غوښتنه کړې ده. دا لیدنه ښايي راتلونکې اونۍ د ناټو له غونډې د ټرمپ له راګرځېدو وروسته ترسره شي.
ټرمپ له یادې خبري وېبپاڼې سره په یوې لنډه ټېلیفوني مرکه کې وویل: «موږ له یو بل سره ډېرې ښې اړيکې لرو. هغه پوهېږي چې رييس څوک دی».
یوه اسراییلي چارواکي هم اکسیوس ته ویلي، په راتلونکې اونۍ کې د دې لیدنې د ترسره کېدو احتمال کم دی، ځکه ټرمپ به د ناټو په غونډه کې د ګډون لپاره ترکیې ته سفر وکړي. دغه غونډه د چنګاښ میاشتې په ۱۶مه او ۱۸مه جوړېږي.
دغه چارواکي زیاته کړې: «احتمالاً دا لیدنه به له هغې وروسته اونۍ کې ترسره شي».
