شپږیزه؛ سپین‌غر بُست ته او امو نهنګانو مس عینک ته ماتې ورکړه

پوپل، چې له ۲۰۲۱ کال کې د طالبانو له بیا واکمنېدو وروسته له افغانستانه وتلې، د رویټرز خبري اژانس ته ویلي چې اوس په مکسیکو ښار کې له سیمه‌ییزو بنسټونو سره د کډوالو ماشومانو او محرومو ټولنو لپاره د فوټبال روزنیز پروګرامونه پرمخ وړي.

هغې ویلي، نړیوال جام لنډمهاله سیالۍ دي، خو مهمه دا ده چې له دغو سیالیو وروسته ټولنې دوامداره ملاتړ ترلاسه کړي.

پوپل د مکسیکو د ښځو په فوټبال کې د وروستیو پرمختګونو هرکلی کړی او ویلي یې دي چې د ښځینه ریفریانو او لوبغاړو زیات حضور نجونې هڅوي چې فوټبال ته مخه کړي.

هغې دا هم ویلي چې فوټبال له ټولنیزو او سیاسي مسایلو بېل نه دی او د ښځو فوټبال د ښځو د حقونو له مبارزو سره تړاو لري.

د افغانستان د وضعیت په اړه پوپل ویلي، له ۲۰۲۱ کال راهیسې ښځې له زده‌کړو، کار، ورزش او عامه ژوند څخه محرومې شوې دي. هغې افغانستان د ښځو لپاره «پرانیستی زندان» بللی او ویلي یې دي چې په جلاوطنۍ کې د افغانستان د ښځو د فوټبال لوبډله د ښځو د حقونو د ساتنې سمبول دی.

پوپل د ښځو د فوټبال د سوداګریز کېدو په اړه هم اندېښنه ښودلې او ویلي یې دي چې د پانګونې له زیاتېدو سره د لوبغاړو خپلواک غږ کمزوری کېږي

د افغانستان کرېکټ بورډ د معلوماتو له مخې، د شپږیزه کرکټ لیګ په لړ کې نن په خوست ولایت کې دوه سترې سیالۍ ترسره کېږي.

په لومړۍ لوبه کې د سپین غر پړانګانو او بست ساتونکو لوبډلې سره مخامخ کېږي، چې د لوبې پچه بست ساتونکو وګټله او لومړی یې د توپ اچونې پرېکړه وکړه.

د ورځې په دویمه سیالۍ کې به امو نهنګان لوبډله د مس عینک اتلانو پر وړاندې د بریا لپاره میدان ته ښکته شي.

د کرېکټ بورډ چارواکي وایي چې تېره ورځ د دغو سیالیو ننداره د مینه‌والو له پراخ ګډون سره ترسره شوه او نږدې پنځلس زره نندارچیان لوبغالي ته ورغلي وو.

چارواکو زیاته کړې چې د ټکټونو د ډېرې غوښتنې له امله یو شمېر نندارچیان ونه توانېدل چې لوبغالي ته دننه شي، او د ګڼې ګوڼې له امله ځینو ته د ټکټونو پیسې هم بېرته ورکړل شوې دي.

د کرېکټ بورډ چارواکو ددغه سیالیو لیدلو لپاره هم خلکو ته بلنه ورکړې چې که نږدې وي، نو د رحمت ولي مسرور کرکټ لوبغالي ته ورشي او دغه په زړه پورې سیالۍ له نږدې وګوري.

د اسوشېتېد پرس خبري اژانس د راپور له مخې، مسي په دې سیالۍ سره په نړۍوال جام کې خپل ۲۰م ګول ترسره کړ چې په دې سره د فرانسې له کیلیان امباپې څخه دوه ګوله مخکې شو.

د لوبې په ۲۹مه دقیقه کې د ارجنټاین دفاعي لوبغاړي لیسانډرو مارتینز یو ښکلی پاس مسي ته ورکړ او هغه هم په مهارت سره د کیپ ورډ د ګول ساتونکي وزینها له سر څخه د توپ په تېرولو سره د لوبې لومړی ګول وواهه. دا د مسي ۱۲۴م نړیوال ګول وو چې له امله یې هغه د پرتګال له کریستیانو رونالډو وروسته چې ۱۴۶ ګولونه لري، په دویم ځای کې راغی.

مسي په روان نړیوال جام کې تر اوسه ۷ ګولونه وهلي، چې د سرو زرو بوټ د ترلاسه کولو په سیالۍ کې د کیلیان امباپې پرتله یو ګول مخکې دی.

د راپور له مخې، مسي تر اوسه هېڅکله د سرو زرو بوټ نه دی ګټلی؛ هغه په ۲۰۲۲ کال کې د ارجنټاین د اتلولۍ پر مهال د ۷ ګولونو په وهلو سره دویم او په ۲۰۱۴ کال کې په څلورو ګولونو سره درېیم ځای خپل کړی وو.

د کیپ ورډ پر وړاندې د نړیوال جام د یو پر اتم پړاو دا لوبه د ارجنټاین د روزونکي لیونل اسکالوني سلمه لوبه وه چې ورسره هم‌مهاله لیونل مسي هم خپله ۳۰مه لوبه ترسره کړه. په دې سره مسي د نړیوال جام په تاریخ کې لومړی لوبغاړی شو چې په دغو سیالیو کې ۳۰ لوبې ترسره کوي.

د طالبانو د المپیک، بدني روزنې او سپورټ ریاست د جمعې په ورځ (د چنګاښ ۱۲مه) د یوې خبرپاڼې په خپرولو سره ویلي، په دغو سیالیو کې افغان لوبډلې په ټولیزه توګه لس مډالونه وګټل چې په هغو کې درې یې د سرو زرو، درې یې د سپینو زرو او څلور نور یې د برونزو مډالونه دي.

د سپورټ ریاست د معلوماتو له مخې، په وروستي پړاو کې افغان ورزشکارانو یو د سرو زرو او درې د برونزو مډالونه ترلاسه کړل.

د دې ترڅنګ، دوو افغان ورزشکارانو په دغو سیالیو کې څلورم مقامونه خپل کړي او دوو افغان لوبڅارانو ته د نړیوالې لوبڅارۍ سندونه هم ورکړل شوي دي.

د یادونې وړ ده، چې په دغو سیالیو کې د افغانستان په استازولۍ یوې ۱۸ کسیزې لوبډلې ګډون کړی وو.

دغه ریکارډ تر دې یوازې ۲۴ ساعته مخکې د بوسنیا د ملي لوبډلې د بریدګر ادین ژیکو په نوم و. ژیکو د امریکا پر وړاندې په لوبه کې د ۴۰ کلونو او ۱۰۶ ورځو په عمر دغه ریکارډ خپل کړی و؛ خو رونالدو د کرواسیا پر وړاندې په لوبه کې په ګډون سره نوی تاریخي ریکارډ په خپل نوم ثبت کړ.

همدارنګه رونالدو د نړۍوال جام د حذفي پړاو په تاریخ کې تر ټولو د زیات عمر لرونکی هغه لوبغاړی شو، چې ګول یې ترسره کړی دی.

100%