جلالي: د روغتیايي خدمتونو د پراختیا لپاره نړیواله همکاري اړینه ده

د طالبانو د کانونو وزارت ویلي، چې یاد کانونه د تخار ولایت د چاه اب ولسوالۍ په شول دره او وارچي سیمه کې دي او هر کان یې د ۴۴ میلیونه ۵۳۲ ډالرو په ارزښت یوه شرکت ته په قرارداد ورکړی دی.

د طالبانو د کانونو وزیر ملا هدایت الله بدري ویلي، د یادو کانونو قراداد د لسو کلونو لپاره شوی، چې له‌مخې یې، د طالبانو ادارې ته د امتیاز حق ۴۰ سلنه ټاکل شوی دی.

نوموړي ټینګار کړی چې قراردادي شرکت مکلف دی خپلې ټولې چارې د کانونو له قانون، کړنلارو او په قرارداد کې له شویو ژمنو سره عملي کړي.

طالبانو ویلي چې د امتیاز حق د ورکولو ترڅنګ به د دواړو سیمو د ټولنیزو خدمتونو په بېلابېلو برخو کې دوه میلیونه امریکايي ډالر هم لګوي.

د طالبانو د کانونو وزارت ویلي، تمه ده چې د دغې پروژې له لارې شاوخوا درې زره کسانو ته په مستقیم ډول او څلور زره نورو ته په غیر مستقیم ډول د کار زمینه برابره شي.

د راپور له‌مخې، د سویډن حکومت د ۲۰۰ افغانانو د داوطلبانه ستنولو پروژه د ۸ میلیونه کرونو په ارزښت د «سیفر» په نوم یوه نړۍوال سازمان له لوري پرمخ وړل کېږي. د دغې پروژې موخه داده چې افغانان د طالبانو تر واکمنۍ لاندې افغانستان کې یو نوي پیل ته و هڅوي.

د راپورونو له‌مخې، یاده پروژه په بشپړ ډول د سويډن د حکومت له‌خوا تمویلیږي او له ۲۰۲۵ کال راهیسې پیل شوې ده.

د سویډن افتون بلادت ورځپاڼې په خپل راپور کې ویلي، د دغې پروژې موخه داده چې په سویډن کې د ۲۰۰۰ افغان کډوالو ذهنیت بدل کړي او له هغې ډلې څخه لږ تر لږه ۲۰۰ تنه په خپله خوښه افغانستان ته ستانه کړي، خو د پروژې پای ته یوازې دوه میاشتې پاتې دي او تر اوسه هېڅ افغان کډوال خپل هېواد ته د ستنېدو زړه نه دی ښه کړی.

د سویډن د کډوالۍ وزیر جوهان فورسیل د یادې پروژې په اړه رسنیو ته ویلي:«زما په نظر موږ باید د پروژې تر پایه پورې صبر وکړو او بیا یې په اړه ارزونه وکړو».

د سویډني چارواکو په وینا، دغه کمپاین په ځانګړې توګه د هغو افغانانو لپاره په پام کې نیول شوی چې د ایستلو امر یې صادر شوی خو د قانوني خنډونو له امله نه دي اېستل شوي.

د سویډن د کډوالۍ وزیر زیاتوي چې د دې پروژې اصلي موخه دا ده، څو ډیپورټ کېدونکي کډوال په سویډن کې په غیرقانوني توګه ژوند کولو ته اړ نه شي.

د طالبانو د دفاع وزارت د جلب او جذب عمومي قوماندانۍ په پکتیکا ولایت کې د نویو سرتېرو د ګومارلو لړۍ پیل کړې او له ځوانانو یې غوښتي چې د دې ډلې د پوځ په لیکو کې شامل شي.

د طالبانو د دفاع وزارت د خبرتیا له مخې، د پوځ په لیکو کې د شاملېدو لپاره یو شمېر ځانګړي شرایط وړاندې شوي دي.

100%

په شرایطو کې راغلي چې د داوطلبانو عمر باید له ۲۰ تر ۲۴ کلونو پورې وي، د افغانستان اصلي تذکره ولري او کورنۍ یې باید د هېواد دننه ژوند وکړي.

همداراز غوښتونکي باید د سیمې د قومي مشرانو او د جومات د امام له خوا تایید شوي وي، په جنايي جرمونو محکوم نه وي او په نشه‌یي توکو او یا کومه لاعلاجه ناروغۍ اخته نه وي.

په خبرتیا کې دا هم ویل شوي چې نوماندان باید د نبوي سنتو پابند وي، د طالبانو د حکومت نافذه قوانینو ته ژمن وي او د پوځي زده‌کړو د ترلاسه کولو پوره فزیکي ځواک او روغتیا ولري.

د طالبانو د جلب او جذب قوماندانۍ ټینګار کړی چې داوطلبان د پوځي روزنې پر مهال له ځان سره د موبایل تلیفون د ګرځولو حق نه لري.

د طالبانو د دفاع وزارت ویلي چې په شرایطو برابر ځوانان کولای شي د نوملیکنې لپاره د پکتیکا ولایت د جلب او جذب قوماندانۍ ته مراجعه وکړي.

له دې وړاندې د وري پر ۳۰مه افغانستان انټرنشنل د خپلو سرچینو له قوله خبر ورکړی و، چې طالبان د افغانستان په سویلي او سویل ختیزو ولایتونو کې د امنیتي جوړښت د پیاوړتیا په هڅه کې دي او پلان لري چې لومړی د ځاځیو له قبیلې شاوخوا زر تنه د خپلو ځواکونو لیکو ته جذب کړي.

سرچینو ویلي وو، چې له هرې سرحدي ولسوالۍ نه به د قبیلو په مشوره پنځوس پنځوس تنه د سرحدي پولیسو او دفاعي قطعاتو په چوکاټ کې ځای پر ځای شي. د جذبېدونکو کسانو لپاره د طالبانو د «جهادي سابقې» په څېر شرایط هم په نظر کې نیول شوي دي.

د سرتېرو د جلب او جذب ولایتونه ډېری پر ډیورنډ کرښه دي، چې خوست، پکتیا، پکتیکا، کونړ، نورستان، کندهار، هلمند، بدخشان ولایتونه پکې شاملیږي.

د طالبانو د بهرنیو چارو وزارت د یکشنبې په ورځ وویل، چې د روغتیا نړیوال سازمان د سیمه ییز دفتر مشرې ډاکټرې حنان بلخي د افغانستان له روغتیايي سکتور سره د دغه سازمان د دوامدارو همکاریو ډاډ ورکړی.

هغې پولیو یوه نړیواله اندېښنه بللې او د دغې ناروغۍ د له منځه وړلو لپاره یې د پولیو ضد کمپاینونو په بریالي تطبیق کې دطالبانو د ملاتړ غوښتنه کړې.

وزارت ویلي، چې متقي د پولیو ضد کمپاینونو د بشپړ ملاتړ تر څنګ له سیاست نه د روغتیا، سوداګري او بشري چارو د جلا ساتلو پر اړتیا ټینګار کړی دی.

وزارت زیانه کړې چې دې لیدنه کې متقي د عامې روغتیا د نظام پر پیاوړتیا، د سرطان ناروغانو لپاره د تشخیص او درملنې د پرمختللو مرکزونو پر جوړېدو، د روغتیايي مرکزونو د تجهیز او د طبي پرسونل د ظرفیت لوړولو پر اړتیا هم ټینګار کړی.

د طالبانو د بهرنیو چارو وزرات ویلي چې په دې لیدنه کې د بلخي تر څنګ د ګېټس بنسټ رییس، د سعودي د پاچا « ملک سلمان خیریه بنسټ» مسوول، د یونېسف د سیمه ییز دفتر رییس او د متحده عربي اماراتو او قطر سفیرانو هم ګډون درلود.

د الیاس مومند پلار انګار مومند افغانستان انټرنشنل ته ویلي، درې کاله مخکې یې زوی، محمد الیاس مومند، د اختطاف چیانو له خوا لومړی وتښتول شو او وروسته ووژل شو. د هغه په وینا، د زوی د مړینې یې درې کاله پوره شوي، خو لا هم ددوی د کورنۍ زخم تازه دی او عدالت نه دی تامین شوی.

هغه ادعا کړې چې د زوی له ۱۲ قاتلینو څخه یې یوازې څلور تنه نیول شوي وو، خو د ننګرهار ابتدایي نظامي محکمې وروسته بېرته خوشې کړل. د نوموړي په وینا، د قتل دوسیه یې تر اوسه په همغه لومړۍ محکمه کې پرته ده او قاتلان ازاد ګرځي.

د انګار مومند په وینا، تېره اونۍ د ننګرهار د مرافعې عمومي رییس د ننګرهار د نظامي منسوبینو له رییس الله نظر ابوالاسد سره په غونډه کې پرېکړه کړې چې نوموړی دې نوې عریضه ثبت کړي او خپل حق دې له سره وغواړي.

د هغه په وینا، چارواکو ویلي چې د نوې عریضې له ثبت وروسته به، سره له دې چې له پېښې درې کاله تېر شوي، دوسیه له سره وڅېړل شي او د قانون له مخې به پرې پرېکړه وشي.

انګار مومند ویلي، کله ناکله دومره ناامېده شي چې فکر کوي که دا دوسیه د نامسلمانو په محکمه کې وای، ښايي ډېر مخکې به پکې انصاف شوی وای.

هغه د خپل زوی په قضیه کې د عدالت د تامین غوښتنه کړې او ویلي یې دي چې قاتلان باید ازاد ونه ګرځي او د مظلوم کورنۍ دې د عدالت په تمه کلونه انتظار ته نه پرېښودل کېږي.