په کویټه کې د ځایي خلکو او وسلهوالو ترمنځ په نښته کې ۲ کسه وژل شوي او ۱۵ نور ټپیان دي
په بلوچستان کې ځایي سرچینو افغانستان انټرنشنل - پښتو ته ویلي، چې د کوټې ښار اوړوند د هنه وړک په ببري سیمه کې د ځايي خلکو او وسلهوالو ترمنځ په نښته کې دوه تنه وژل شوي او ۱۵نور ټپیان شوی دي.
ځايي سرچینو افغانستان انټرنشنل - پښتو ته ویلي، چې نښته نن مازيګر رامنځته شوې ده.
پولیسو ویلي چې ټپیان د درملنې لپاره روغتون ته لېږدول شوي او د ځنیو روغتیایي حالت نازک ښودل شوی دی.
د ځايي سرچینو په وینا، امنیتي ځواکونه سیمې ته رسېدلي او د وسلهوالو پر ضد یې عملیات پیل کړي دي او په سیمه کې د ډزو غږونه اورېدل کېږي.
د سرچینو په خبره، له پېښې وروسته په سیمه کې ويره او اندېښنه خپره شوې ده.
بل خوا د یادې پېښې پر ضد ځایي خلکو د اعتراض په ډول د کویټې هوایي ډګر لاره هم تړلې ده.
تر دې مهاله روښانه نه ده چې یادې نښتې اصلي علت څه دی.
