د ایران د وژل شوي مشر د جنازې په مراسمو کې له مجتبی پرته د هغه دریو زامنو ګډون کړی

د طالبانو باخبره سرچینو نن یکشنبه، د چنګاښ پر ۱۴مه وویل، چې دا پېښه نن د بدخشان ولایت د مایمي ولسوالۍ اړوند په غز دره سیمه کې شوې ده.

د ورکو شوو پنځو تنو طالبانو په اړه لاتر اوسه معلومات نشته.

سرچینې زیاتوي، « دا موټر د هغه کاروان برخه وه، چې له فېض اباد څخه نسي ولسوالۍ ته پر لار و».

طالبانو تر اوسه ددې پېښې د څرنګتیا په اړه څه نه دي ویلي او نه یې هم پېښه تایید کړې ده.

سرچینو د یکشنبې په ورځ له بدخشان نه افغانستان انټرنشنل ته وویل، چې طالبانو د تازه دمه پوځي کاروان یوه برخه د نسي ولسوالۍ په مرکز کې د دې ډلې د ناراضي قوماندان جمعه خان فاتح په اصلي اډه کې ځای پر ځای کړې ده.

د طالبانو دفاع وزیر ملایعقوب مجاهد هم بدخشان ته رسېدلی دی.

د سرچینو په وینا، فاتح له خپلو ځواکونو غوښتي چې نسي ولسوالۍ ته د طالبانو د ځواکونو د ننوتلو مخه ونه نیسي او د نښتې له پیلولو ډډه وکړي.

د فاتح ځواکونه په قوغذ، زغر، شاخ دره، بر او ښکته وجم سیمو کې په خپلو سیمه ییزو پوځي مرکزونو کې حضور لري.

له بدخشان نه سرچینې وایي چې دغه ځواکونه د جمعه خان فاتح د ځواکونو د بې وسلې کولو لپاره نسي ته لېږل شوي دي.

د طالبانو د عامې روغتیا وزارت خبر ورکړی، چې ددغه وزارت وزیر د روغتیا نړیوال سازمان په مشرۍ له لوړپوړي پلاوي سره په لیدنه کې د پولیو پر وړاندې د مبارزې او د روغتیا په ټولو برخو کې د همکاریو د پیاوړتیا او پراختیا په تړاو خبرې کړې دي.

جلالي په یاده ناسته کې د بحث شویو مسایلو پر پلي کېدا ټینګار کړی دی.

د طالبانو د روغتیا وزارت په وینا، نړیوالو شریکانو د طالبانو د عامې روغتیا وزارت په یادو برخو کې د همکاریو لپاره پر چمتووالي ټینګار کړی دی.

د وزارت په وینا، په دې غونډه کې د روغتیا نړیوال سازمان د ختیزې مدیترانې سیمې مسوولې ډاکټرې حنان البلخي، د یونیسف سیمه ییز رییس سنجي ویجیسکارا، په افغانستان کې د قطر سفیر مردف بن علي القاشوطي، په افغانستان کې د روغتیا نړیوال سازمان رییس ادوین سینیزا سلوادور، په افغانستان کې د یونیسف رییس ډاکټر تاج الدین، د بیل او مېلېنډا ګېټس بنسټ د پولیو برخې مسوول کریسټوفر الیاس، د ملک سلمان بنسټ استازو او یو شمېر نورو مسوولانو ګډون کړی و.

د طالبانو د کانونو وزارت ویلي، چې یاد کانونه د تخار ولایت د چاه اب ولسوالۍ په شول دره او وارچي سیمه کې دي او هر کان یې د ۴۴ میلیونه ۵۳۲ ډالرو په ارزښت یوه شرکت ته په قرارداد ورکړی دی.

د طالبانو د کانونو وزیر ملا هدایت الله بدري ویلي، د یادو کانونو قراداد د لسو کلونو لپاره شوی، چې له‌مخې یې، د طالبانو ادارې ته د امتیاز حق ۴۰ سلنه ټاکل شوی دی.

نوموړي ټینګار کړی چې قراردادي شرکت مکلف دی خپلې ټولې چارې د کانونو له قانون، کړنلارو او په قرارداد کې له شویو ژمنو سره عملي کړي.

طالبانو ویلي چې د امتیاز حق د ورکولو ترڅنګ به د دواړو سیمو د ټولنیزو خدمتونو په بېلابېلو برخو کې دوه میلیونه امریکايي ډالر هم لګوي.

د طالبانو د کانونو وزارت ویلي، تمه ده چې د دغې پروژې له لارې شاوخوا درې زره کسانو ته په مستقیم ډول او څلور زره نورو ته په غیر مستقیم ډول د کار زمینه برابره شي.

د راپور له‌مخې، د سویډن حکومت د ۲۰۰ افغانانو د داوطلبانه ستنولو پروژه د ۸ میلیونه کرونو په ارزښت د «سیفر» په نوم یوه نړۍوال سازمان له لوري پرمخ وړل کېږي. د دغې پروژې موخه داده چې افغانان د طالبانو تر واکمنۍ لاندې افغانستان کې یو نوي پیل ته و هڅوي.

د راپورونو له‌مخې، یاده پروژه په بشپړ ډول د سويډن د حکومت له‌خوا تمویلیږي او له ۲۰۲۵ کال راهیسې پیل شوې ده.

د سویډن افتون بلادت ورځپاڼې په خپل راپور کې ویلي، د دغې پروژې موخه داده چې په سویډن کې د ۲۰۰۰ افغان کډوالو ذهنیت بدل کړي او له هغې ډلې څخه لږ تر لږه ۲۰۰ تنه په خپله خوښه افغانستان ته ستانه کړي، خو د پروژې پای ته یوازې دوه میاشتې پاتې دي او تر اوسه هېڅ افغان کډوال خپل هېواد ته د ستنېدو زړه نه دی ښه کړی.

د سویډن د کډوالۍ وزیر جوهان فورسیل د یادې پروژې په اړه رسنیو ته ویلي:«زما په نظر موږ باید د پروژې تر پایه پورې صبر وکړو او بیا یې په اړه ارزونه وکړو».

د سویډني چارواکو په وینا، دغه کمپاین په ځانګړې توګه د هغو افغانانو لپاره په پام کې نیول شوی چې د ایستلو امر یې صادر شوی خو د قانوني خنډونو له امله نه دي اېستل شوي.

د سویډن د کډوالۍ وزیر زیاتوي چې د دې پروژې اصلي موخه دا ده، څو ډیپورټ کېدونکي کډوال په سویډن کې په غیرقانوني توګه ژوند کولو ته اړ نه شي.

د طالبانو د دفاع وزارت د جلب او جذب عمومي قوماندانۍ په پکتیکا ولایت کې د نویو سرتېرو د ګومارلو لړۍ پیل کړې او له ځوانانو یې غوښتي چې د دې ډلې د پوځ په لیکو کې شامل شي.

د طالبانو د دفاع وزارت د خبرتیا له مخې، د پوځ په لیکو کې د شاملېدو لپاره یو شمېر ځانګړي شرایط وړاندې شوي دي.

100%

په شرایطو کې راغلي چې د داوطلبانو عمر باید له ۲۰ تر ۲۴ کلونو پورې وي، د افغانستان اصلي تذکره ولري او کورنۍ یې باید د هېواد دننه ژوند وکړي.

همداراز غوښتونکي باید د سیمې د قومي مشرانو او د جومات د امام له خوا تایید شوي وي، په جنايي جرمونو محکوم نه وي او په نشه‌یي توکو او یا کومه لاعلاجه ناروغۍ اخته نه وي.

په خبرتیا کې دا هم ویل شوي چې نوماندان باید د نبوي سنتو پابند وي، د طالبانو د حکومت نافذه قوانینو ته ژمن وي او د پوځي زده‌کړو د ترلاسه کولو پوره فزیکي ځواک او روغتیا ولري.

د طالبانو د جلب او جذب قوماندانۍ ټینګار کړی چې داوطلبان د پوځي روزنې پر مهال له ځان سره د موبایل تلیفون د ګرځولو حق نه لري.

د طالبانو د دفاع وزارت ویلي چې په شرایطو برابر ځوانان کولای شي د نوملیکنې لپاره د پکتیکا ولایت د جلب او جذب قوماندانۍ ته مراجعه وکړي.

له دې وړاندې د وري پر ۳۰مه افغانستان انټرنشنل د خپلو سرچینو له قوله خبر ورکړی و، چې طالبان د افغانستان په سویلي او سویل ختیزو ولایتونو کې د امنیتي جوړښت د پیاوړتیا په هڅه کې دي او پلان لري چې لومړی د ځاځیو له قبیلې شاوخوا زر تنه د خپلو ځواکونو لیکو ته جذب کړي.

سرچینو ویلي وو، چې له هرې سرحدي ولسوالۍ نه به د قبیلو په مشوره پنځوس پنځوس تنه د سرحدي پولیسو او دفاعي قطعاتو په چوکاټ کې ځای پر ځای شي. د جذبېدونکو کسانو لپاره د طالبانو د «جهادي سابقې» په څېر شرایط هم په نظر کې نیول شوي دي.

د سرتېرو د جلب او جذب ولایتونه ډېری پر ډیورنډ کرښه دي، چې خوست، پکتیا، پکتیکا، کونړ، نورستان، کندهار، هلمند، بدخشان ولایتونه پکې شاملیږي.