د کډوالو عالي کمېشنري: له ۲۰۲۳ کال راهیسې شپږ میلیونه کډوال افغانستان ته ستانه شوي
د کډوالو په چارو کې د ملګرو ملتونو عالي کمېشنر او د ملګرو ملتونو د پراختيايي برنامې رییس کابل ته سفر کړی او وايي، غواړي د کډوالو ستونزې له نږدې و ارزوي.
د کډوالو په چارو کې د ملګرو ملتونو عالي کمېشنر او د ملګرو ملتونو د پراختيايي برنامې رییس کابل ته سفر کړی او وايي، غواړي د کډوالو ستونزې له نږدې و ارزوي.
د طالبانو د کډوالو وزارت د یکشنبې په ورځ وویل، چې د کډوالو په چارو کې د ملګرو ملتونو عالي کمېشنر برهام صالح او د ملګرو ملتونو د پراختايي برنامې رییس الکساندر دي کرو د کډوالو د ستونزو د ارزونې په موخه کابل ته سفر کړی.
د ملګرو متلونو د کډوالو عالي کمېشنر صالح ویلي، چې له ۲۰۲۳ کال راهیسې افغانستان ته شپږ میلیونه افغانان راستانه شوي او کابل ته د سفر موخه یې د کډوالو د ستونزو ارزول دي.
نوموړي زیاته کړې:«دا په نړۍواله کچه له لویو شمېرو ګڼل کېږي، موږ د افغانانو ملاتړ ته ژمن یو او هیله لرو چې مرستې ورته ورسېږي».
په ورته مهال د طالبانو د کډوالو وزارت مسلکي معین عبدالرحمن راشد د ملګرو ملتونو له یادو چارواکو څخه غوښتنه کړې چې د میلیونونو کډوالو د وضعیت په ښه کولو دې خپلې همکارۍ لا پراخې کړي.
