بلوچستان ایالت عبدالله خان قلعه ولسوالۍ کې د قبایلي دښمنۍ له امله څلور کسان وژل شوي

د قلعه عبدالله مرستیال کمېشنر منور مګسي د افغانستان انټرنشنل پښتو سره په خبرو کې د پېښې پخلی کړی دی.

د نوموړي په وینا، په وژل شویو کسانو کې عبیدالله، ایمل، شاهد او ضیاءالرحمان شامل دي.
مرستیال کمېشنر وويل چې دا پېښه د قبایلي دښمنۍ له امله رامنځته شوې ده.
چارواکو د پېښې په اړه نورې پلټنې پیل کړې دي.